خیبرپختونخوا میں بارش اور لینڈ سلائیڈنگ سے نقصانات کی تفصیل جاری، کتنے افراد لقمۂ اجل بنے؟ جانیے

خیبرپختونخوا میں نقصان کی تفصیلات

پشاور (ڈیلی پاکستان آن لائن) خیبرپختونخوا میں 25 جون سے اب تک بارش، سیلاب اور لینڈ سلائیڈنگ سے ہونے والے نقصانات کی تفصیل جاری کردی گئی۔

یہ بھی پڑھیں: سال 2026 میں 12 سال سے کم عمر بچوں کو حج پر جانے کی اجازت نہیں ہوگی

جاں بحق اور زخمی افراد کی تعداد

پرووینشل ڈیزاسٹر منیجمنٹ اتھارٹی (پی ڈی ایم اے) کے مطابق کے پی میں بارش، سیلاب اور لینڈ سلائیڈنگ کے باعث 22 افراد جاں بحق اور 11 زخمی ہوئے۔

یہ بھی پڑھیں: 9 مئی جی ایچ کیو حملہ کیس، بانی پی ٹی آئی کی 19 ستمبر کی واٹس ایپ ویڈیو ٹرائل میں دلائل کا ٹرانسکرپٹ دینے کی درخواست خارج

جاں بحق اور زخمی افراد کی تفصیلات

’’جنگ‘‘ کے مطابق پی ڈی ایم اے نے بتایا کہ جاں بحق افراد میں 7 مرد، 5 خواتین اور 10 بچے شامل ہیں جبکہ زخمیوں میں 6 مرد، 4 خواتین اور ایک بچہ شامل ہے۔

مالی اور املاک کا نقصان

خیبرپختونخوا میں 64 گھروں کو جزوی نقصان پہنچا جبکہ 11 مکمل گر گئے۔ بارش، سیلاب اور لینڈ سلائیڈنگ میں سب سے زیادہ متاثر ضلع سوات رہا جہاں 14 افراد جاں بحق اور 6 زخمی ہوئے۔