ملک بھر میں 5 جولائی تک وقفے وقفے سے بارشوں کی پیشگوئی

بارشوں کی پیشگوئی

لاہور(ڈیلی پاکستان آن لائن) ملک بھر میں 5 جولائی تک وقفے وقفے سے بارشوں کی پیشگوئی کردی گئی۔

یہ بھی پڑھیں: آپ سنِ اتحاد کے وکیل ہیں یا پی ٹی آئی کے؟ جسٹس مسرت ہلالی کا وکیل فیصل صدیقی سے مکالمہ

موسلا دھار بارش کا امکان

نجی ٹی وی چینل دنیا نیوز کے مطابق شمال مشرقی پنجاب، خطہ پوٹھوہار اور بالائی خیبر پختونخوا میں موسلا دھار بارش کا امکان ہے۔ مری، گلیات، اسلام آباد راولپنڈی، سوات، پشاور میں طغیانی، کشمیر میں لینڈ سلائیڈنگ کا خدشہ بڑھ گیا۔

یہ بھی پڑھیں: ڈپلومیٹک انکلیو میں سفارتکاروں کی سہولت کیلئے قائم خدمت مرکز کا افتتاح

بارشوں کے نقصانات

لاہور، گوجرانوالہ، سوات، مالاکنڈ، جہلم، چکوال اور سیالکوٹ میں بارش کا امکان ہے۔ ملک بھر میں بارشوں اور سیلابی ریلوں کے نتیجے میں اب تک 45 افراد زندگی کی بازی ہار گئے، 68 زخمی بھی ہوئے۔

یہ بھی پڑھیں: سندھ ہائیکورٹ: بینچ سربراہ نے لوڈ شیڈنگ کیخلاف درخواست پر مزید سماعت سے معذرت کرلی

حفاظتی اقدامات

واضح رہے کہ شدید بارشوں اور اربن فلڈنگ کے خدشات کے باعث راولپنڈی میں دفعہ 144 نافذ کر دی گئی ہے۔ نالہ لئی اور دیگر آبی گزر گاہوں میں نہانے پر پابندی عائد کر دی گئی ہے۔

تربیلا ڈیم کی صورتحال

حالیہ بارشوں اور سیلابی ریلوں سے تربیلا ڈیم کی سطح بلند ہوگئی ہے۔ ڈیم میں پانی کی سطح 1498 فٹ ریکارڈ کی گئی ہے جبکہ ڈیم میں پانی ذخیرہ کرنے کی گنجائش 1550 فٹ ہے۔