اعلیٰ تعلیم میں فوری اور مؤثر سرمایہ کاری وقت کی اہم ضرورت ہے، ابراہیم حسن مراد

اعلیٰ تعلیم کی ضرورت
لاہور (ڈیلی پاکستان آن لائن) سابق وزیر ابراہیم حسن مراد نے کہا ہے کہ اعلیٰ تعلیم میں فوری اور مؤثر سرمایہ کاری وقت کی اہم ضرورت ہے, پاکستان کی 64 فیصد آبادی 30 سال سے کم عمر نوجوانوں پر مشتمل ہے۔پاکستان میں صرف 10 فیصد طلباء اعلیٰ تعلیم حاصل کر پاتے ہیں، بھارت میں یہ شرح 30 اور بنگلہ دیش میں 20 فیصد ہے۔
یہ بھی پڑھیں: ستاروں کی روشنی میں آپ کا آج (جمعرات) کا دن کیسا رہے گا؟
تعلیم کی پسماندگی کے نتائج
ابراہیم حسن مراد نے مزید کہا کہ تعلیم میں یہ پسماندگی ہمارے نوجوانوں کو عالمی دوڑ سے باہر کردے گی، تعلیم یافتہ قوم کے بغیر ترقی کا خواب ادھورا ہے۔ ترجیحات بدلنے اور اعلیٰ تعلیم کو قومی ایجنڈا بنانے کا وقت آچکا ہے، اعلیٰ تعلیم میں سرمایہ کاری، ہنرمندی کا فروغ اور تعلیمی رسائی قومی ترقی کی بنیاد ہیں۔
تعلیم کی اہمیت
پل اور سڑکیں راستے بناتی ہیں، جبکہ تعلیم مستقبل بناتی ہے، آئیے! تعلیم کے ذریعے ایک باوقار اور روشن پاکستان کی بنیاد رکھیں۔