پنجاب کے دریاؤں اور ندی نالوں میں پانی کی سطح میں اضافے کا خدشہ، پی ڈی ایم اے الرٹ جاری

لاہور (ڈیلی پاکستان آن لائن) پی ڈی ایم اے پنجاب نے پنجاب کے تمام بڑے دریاؤں میں پانی کی سطح میں اضافے کے بارے میں الرٹ جاری کر دیا ہے۔ 07 جولائی سے تمام بڑے دریاؤں اور ان سے ملحقہ ندی نالوں میں پانی کی سطح میں اضافے کا خدشہ موجود ہے۔

یہ بھی پڑھیں: مصدق ملک کی روس سے سستے خام تیل خریداری معاہدے کی خبروں کی تردید

مون سون بارشوں کی پیشگوئی

6 جولائی سے پنجاب میں مون سون بارشوں کا طاقتور سلسلہ شروع ہونے کی پیشگوئی کی گئی ہے۔ ڈیرہ غازی خان ڈویژن میں رودکوہیوں میں فلیش فلڈنگ کا بھی خطرہ ہے۔ اس کے ساتھ بڑے شہروں میں اربن فلڈنگ کے خدشات بھی موجود ہیں۔ مری اور گلیات کے بعض خطرناک علاقوں میں لینڈ سلائیڈنگ کا امکان ہے۔

یہ بھی پڑھیں: آئینی عدالت اور ججوں کی عمر و تعیناتی: 26ویں آئینی ترامیم کے مجوزہ مسودے کیا ہیں؟

زرعی ہدایات اور اقدامات

ڈائریکٹر جنرل پی ڈی ایم اے، عرفان علی کاٹھیا کا کہنا ہے کہ کسانوں کو چاہیے کہ وہ اپنے تمام اقدامات موسم کی پیشگوئی اور ہدایات کے مطابق انجام دیں۔ ہنگامی صورتحال سے نمٹنے کے لیے متعلقہ ادارے الرٹ رہیں۔ صوبائی کنٹرول روم سمیت تمام اضلاع کے ڈسٹرکٹ ایمرجنسی آپریشن سنٹرز کو بھی چوکنا کیا جا چکا ہے۔ پی ڈی ایم اے کنٹرول روم میں صورتحال کی مانیٹرنگ 24/7 جاری ہے۔

یہ بھی پڑھیں: وزیراعظم سے مولانا فضل الرحمان کی ملاقات، مدارس رجسٹریشن بل پر تبادلہ خیال

شہریوں کے لیے ہنگامی ہدایات

1122 سمیت دیگر ریسکیو ادارے مشینری اور عملے کو الرٹ رکھیں۔ شہریوں کو خراب موسم کی صورتحال کے دوران غیر ضروری سفر سے گریز کرنے کی ہدایت کی گئی ہے۔ مخدوش اور خستہ عمارتوں میں رہائش ہرگز نہ رکھیں۔ خستہ عمارتوں اور چھتوں کے گرنے کے واقعات کے باعث زیادہ حادثات رپورٹ ہو رہے ہیں۔ بچوں کا خاص خیال رکھیں اور انہیں نشیبی علاقوں میں جمع پانی کے قریب جانے سے روکا جائے۔ آسمانی بجلی کی گرج چمک کے دوران کھلے مقامات پر ہرگز نہ جائیں۔

ڈپٹی کمشنرز کو ہدایت

ڈی جی پی ڈی ایم اے نے صوبہ بھر کے ڈپٹی کمشنرز کو ہدایت کی ہے کہ وہ الرٹ رہیں۔