وزیراعظم 3 جولائی کو آذربائیجان کے سرکاری دورے پر روانہ ہوں گے
وزیراعظم کا آذربائیجان کا دورہ
اسلام آباد (ڈیلی پاکستان آن لائن) وزیراعظم شہباز شریف کل آذربائیجان کے دو روزہ سرکاری دورے پر روانہ ہوں گے جہاں وہ اقتصادی تعاون تنظیم (ای سی او) کے سربراہی اجلاس میں شرکت کریں گے۔
یہ بھی پڑھیں: سنجے دت کی دوبارہ شادی، سات پھیرے لینے کی ویڈیو وائرل
پریس ریلیز کی تفصیلات
ڈان نیوز نے دفتر خارجہ کی جانب سے جاری پریس ریلیز کے حوالے سے بتایا کہ وزیراعظم شہباز شریف کل (3 جولائی) کو آذربائیجان کے دورے پر روانہ ہوں گے۔
یہ بھی پڑھیں: مرغی کا گوشت مزید مہنگا ہوگیا
سربراہی اجلاس کا مقام اور تاریخ
یہ سربراہی اجلاس آذربائیجان کے دارالحکومت باکو میں 3 تا 4 جولائی منعقد ہوگا، جس میں وزیراعظم شہباز شریف پاکستان کے وفد کی قیادت کریں گے۔
یہ بھی پڑھیں: جب حارث رؤف نے آسٹریلیا کو پاکستان جیسا بنا دیا
اجلاس کا موضوع
ای سی او کے اس سربراہی اجلاس کا موضوع 'پائیدار اور موسمیاتی تبدیلیوں کا مقابلہ کرنے والے مستقبل کیلئے ای سی او کا نیا وژن' ہے۔
یہ بھی پڑھیں: وفاقی کابینہ کا اجلاس آج منعقد ہوگا
پاکستان کا نقطۂ نظر
سربراہی اجلاس کے دوران وزیراعظم علاقائی اور عالمی سطح پر درپیش اہم چیلنجز کے بارے میں پاکستان کا نقطۂ نظر پیش کریں گے اور ای سی او وژن 2025 سے پاکستان کی وابستگی کا اعادہ کریں گے۔
یہ بھی پڑھیں: Israel Acknowledges Targeting of Its Military Bases in Iranian Missile Attacks
وزیراعظم کی وکالت
وزیراعظم علاقائی تجارت، ٹرانسپورٹ رابطہ کاری، توانائی کے شعبے میں تعاون اور پائیدار ترقی کو فروغ دینے کی وکالت بھی کریں گے۔
دو طرفہ ملاقاتیں
اجلاس کے موقع پر وزیراعظم ای سی او کے دیگر رہنماؤں سے دو طرفہ ملاقاتیں بھی کریں گے، جن میں باہمی دلچسپی کے امور پر تبادلہ خیال کیا جائے گا۔
