عمران خان نے ذہنی طور فیصلہ کر لیا ہے کہ وہ جیل میں رہ لیں گے مگر سمجھوتہ نہیں کریں گے، نجم سیٹھی

تجزیہ کار نجم سیٹھی کا بیان

لاہور(ڈیلی پاکستان آن لائن) تجزیہ کار نجم سیٹھی نے کہا ہے کہ میرا خیال ہے کہ اب عمران خان نے ذہنی طور پر فیصلہ کر لیا ہے کہ وہ جیل میں رہ لیں گے مگر سمجھوتہ نہیں کریں گے۔ نجی نیوز چینل سماء نیوز کے پروگرام میں گفتگو کرتے ہوئے ان کا کہنا تھا کہ عمران خان نے فیصلہ کیا ہے کہ نہ میں نے پیچھے ہٹنا ہے اور نہ ہی جھکنا ہے، یہ نیلسن منڈیلا والی سوچ ہے کہ میں سمجھوتہ نہیں کروں گا۔

یہ بھی پڑھیں: مری میں خصوصی انسداد پولیو مہم کا آغاز

حکومت اور پی ٹی آئی کے درمیان مذاکرات

واضح رہے کہ گزشتہ کچھ دنوں سے حکومت اور پی ٹی آئی کے درمیان مذاکرات کے حوالے سے خبریں گردش کر رہی ہیں۔ دو روز قبل کوٹ لکپھت جیل میں قید تحریک انصاف کے رہنماوں نے ایک پریس ریلیز جاری کی ہے جس میں مذاکرات شروع کرنے کے حوالے سے بات کی گئی ہے۔

نواز شریف کی مذاکرات کے لیے تیاری

دوسری جانب گزشتہ روز نجی ویب سائٹ 'وی نیوز' پر ایک خبر شائع ہوئی ہے جس میں لیگی رہنما کے حوالے سے کہا گیا ہے کہ نواز شریف مذاکرات کے لیے اڈیالہ جیل بھی جانے کو تیار ہیں۔