ستاروں کی روشنی میں آپ کا آئندہ ہفتہ کیسا گزرے گا ؟

برج حمل (21 مارچ سے 20 اپریل)

جو لوگ کافی دنوں سے مالی مشکلات کا شکار چلے آ رہے ہیں، انشاءاللہ یہ ہفتہ ان کے لئے خوشخبری لےکر آئے گا۔ آپ کو جس طرف سے امید تھی وہ پوری ہو سکے گی اور جو رکاوٹیں پیش آ رہی تھیں وہ غیبی انداز سے پوری ہو سکیں گی۔ جن لوگوں نے اپنے لئے نیا کام شروع کرنے کا پروگرام بنایا ہے، وہ اب بسم اللہ کریں۔ اللہ نے چاہا تو بڑا فائدہ ہو گا اور برسوں کی محنت بھی اب وصول کرنے کا وقت قریب آ گیا ہے。

یہ بھی پڑھیں: بورڈ آف پیس کے رکن ممالک غزہ کیلئے 5 ارب ڈالر سے زائد کی رقم دینے کا وعدہ کر چکے ہیں، ٹرمپ

برج ثور (21 اپریل سے 20 مئی)

ان دنوں آپ کی ایک اہم ضرورت انشاءاللہ پوری ہو گی، قرض لینے اور دینے دونوں میں آسانی ہو گی۔ جو لوگ عرصہ دراز سے خود کو کسی بندش وغیرہ میں محسوس کر رہے ہیں، وہ اب بڑے خوبصورت انداز سے اس سے نکلنے میں کامیاب ہوں گے۔ آپ کے لئے اب وہ مشکل بھی آسان ہو گی جس کی وجہ سے پورے گھر کا نظام خراب ہو چکا تھا اور آج سے روزانہ کی بنیاد پر ایک اچھی خبر بھی ملا کرے گی。

یہ بھی پڑھیں: نیب، ایف آئی اے اور پولیس سے عمران خان کے خلاف مقدمات کی تفصیلات طلب

برج جوزہ (21 مئی سے 20 جون)

یہ ہفتہ برسوں کے بعد آپ کے لئے خوشیوں کا پیغام لیکر آیا ہے۔ آپ جس کام میں ہاتھ ڈالیں گے، ہو جائے گا اور جو امید آپ کو کسی طرف سے رقم کے آنے کی ہے، وہ بھی پوری ہو گی۔ ایک اہم معاملے میں بڑی پیش رفت ہو گی اور جس شخص نے تنگ کر رکھا تھا وہ اب خودبخود پیچھے ہٹ جائے گا۔ اولاد کے حوالے سے بھی انشاءاللہ اب اچھے دنوں کا آغاز ہو رہا ہے، نئی خبر ملے گی۔

یہ بھی پڑھیں: فیملی پنشن لینے والے اور نئے پنشنرز بھی اضافے سے مستفید ہوں گے، پنشن میں اضافے کا نوٹیفکیشن جاری

برج سرطان (21 جون سے 20 جولائی)

کسی پر بھی ضرورت سے زیادہ بھروسہ نہ کریں۔ آپ کو جہاں مالی نقصان کا خطرہ ہے، وہاں پر عزت کا معاملہ بھی داؤ پر لگ جائے گا۔ جو لوگ کسی مسئلے کو لے کر لاپروائی کا مظاہرہ کر رہے ہیں وہ خاص طور پر خیال کریں۔ اس وقت آپ کی زندگی میں اہم تبدیلی کا عمل بھی شروع ہونے جا رہا ہے۔ آپ کا فوکس اس پر ہونا چاہئے اگر آپ کچھ حاصل کرنا چاہتے ہیں تو، ورنہ بعد میں صرف پچھتاوا ہو گا۔

یہ بھی پڑھیں: صدر کے بعد وزیر اعظم کو بھی فوجداری مقدمات سے استثنیٰ کی ترمیم پیش کر دی گئی

برج اسد (21 جولائی سے 21 اگست)

اس وقت گھریلو ماحول پر خاص نظر رکھیں، آپ کو خاص طور پر اولاد کے معاملے کو دیکھنا ہے، لاپروائی نہیں کرنی۔ اپنی عزت سے بڑھ کر آپ کے لئے کوئی چیز نہیں ہونی چاہئے اور سکون سے جو فیصلہ درکار ہے اس کو ضرور کریں ورنہ آپ کیلئے بعد میں مشکلات کھڑی ہوں گی۔ روزگار کے حوالے سے بھی اب نیا قدم اٹھانے کی اشد ضرورت ہے۔ آپ کے لئے ایک اچھا موقع ہے جو بار بار نہیں ملتا، اسے ضائع نہ کریں۔

یہ بھی پڑھیں: کراچی: منگھوپیر میں کرنٹ لگنے سے 2 گدھے مرگئے

برج سنبلہ (22 اگست سے 22 ستمبر)

ان دنوں آپ کو ایک بڑی خوشخبری ملنے کا امکان ہے اور جس ضرورت کے تحت رقم چاہئے تھی اس کا بندوبست بھی ہو جائے گا۔ آپ کی ایک دلی مراد پوری ہو گی۔ جو لوگ عرصہ دراز سے ایک جگہ سے تبدیلی کا سوچ رہے ہیں، وہ اب کوشش کریں انشاءاللہ ان کو کامیابی ملے گی اور جو بھی رکاوٹیں کافی دنوں سے تنگ کر رہی تھیں وہ اب تیزی سے دور ہو سکیں گی۔ یہ بڑے اچھے دن ہیں۔

یہ بھی پڑھیں: میاں اظہر کی وفات کے بعد خالی نشست این اے 129 میں ضمنی الیکشن کا شیڈول جاری

برج میزان (23 ستمبر سے 22 اکتوبر)

آپ کی ایک دلی خواہش پوری ہو گی۔ جس کام میں بھی ہاتھ ڈالیں گے کامیابی ملے گی۔ جو لوگ گھریلو ماحول میں کشیدگی کی وجہ سے پریشان ہیں، وہ اب انشاءاللہ بہتری محسوس کریں گے۔ اولاد کے حوالے سے اہم فیصلے متوقع ہیں، وہ بھی کرنے کا وقت آگیا ہے۔ جو لوگ کافی دنوں سے بیرون ملک سفر کی کوشش میں تھے، اب ان کا سلسلہ یہاں بن سکتا ہے اور نئی نوکری کی تلاش بھی ختم ہو گی۔

یہ بھی پڑھیں: 22 سالہ نوجوان کی گھر کے اندر گلے میں پھندا لگا کر خودکشی

برج عقرب (23 اکتوبر سے 22 نومبر)

ایک بار پھر اولاد کے اوپر گہری نظر رکھنے کا مشورہ ہے اور کسی بھی مقدمے میں انکوائری وغیرہ میں آئے ہوئے محتاط ہو جائیں۔ اپنی طرف سے تمام سوالوں کے جواب پاس رکھیں اور دوسروں کے معاملات سے جس قدر ممکن ہو، دور رہیں۔ ان دنوں آپ کی گھریلو زندگی میں اگر نحوست جیسے اثرات چل رہے ہیں تو چند دنوں کے مہمان ہیں، جلد نجات ملے گی۔ آنے والے دن انشاءاللہ اچھے ہیں۔

یہ بھی پڑھیں: اسلام آباد میں سلنڈر حادثہ، وزیرِ اعظم کا اظہار افسوس، مکمل تحقیقات کا حکم دیدیا

برج قوس (23 نومبر سے 20 دسمبر)

اب بڑے بڑے فیصلے لینے کی اشد ضرورت ہے، اگر آپ اپنی زندگی کو بدلنا چاہتے ہیں تو۔ جو لوگ کافی دنوں سے اپنی جگہ سے تبدیلی کی خواہش رکھتے ہیں، ان کی یہ خواہش انشاءاللہ پوری ہونے کا وقت قریب آ گیا ہے اور جو لوگ کسی بھی شخص کے ساتھ مل کر کام کر رہے ہیں، وہ اب ہوشیار رہیں، وہ چکر دے سکتا ہے۔ اکیلے کام کرنا زیادہ مناسب رہے گا۔

یہ بھی پڑھیں: 35ویں نیشنل گیمز کا رنگا رنگ اختتام، فیلڈ مارشل سید عاصم منیر نے فاتحین میں انعامات تقسیم کیے۔

برج جدی (21 دسمبر سے 19 جنوری)

آپ کیوں نہیں چاہتے کہ آگے بڑھیں، اس کے لئے اپنے دل و دماغ کو لگام دینا پڑے گا۔ اور جس بھی طرف آج کل ضرورت سے زیادہ توجہ دے رہے ہیں، وہاں سے واپسی کا راستہ اختیار کرنا ہو گا۔ جو لوگ ایسا نہیں کریں گے، وہ اپنی زندگی کے ساتھ کھیلیں گے۔ اس وقت آپ کی توجہ صرف روزگار پر ہونی چاہئے اور اس کے لئے جو بھی آفر وغیرہ آئے تو اس کو بالکل بھی ہاتھوں سے مت جانے دیں۔

یہ بھی پڑھیں: ہم بذریعہ بس شیخوپورہ روانہ ہوئے، ننکانہ میں قیام کے دوران خباری ہاکر کی آواز نے چوکنا کر دیا کہ گاندھی جی ایک ہندو کے ہاتھوں قتل ہو گئے ہیں

برج دلو (20 جنوری سے 18 فروری)

آپ کا ایک اہم معاملہ آجکل میں انشاءاللہ حل ہوجانے کی امید ہے۔ جو بھی رکاوٹ چل رہی تھی وہ بڑی تیزی سے اب دور ہو گی اور جس شخص نے ناک میں دم کر رکھا تھا، وہ خودبخود بھاگ جائے گا۔ اب مالی حالات میں بھی انشاءاللہ بڑی بہتری کی امید پیدا ہو گئی ہے، اس لئے آپ کی توجہ اس طرف جس قدر ہو گی، آپ کے لئے اتنا ہی بہتر رہے گا اگر فائدہ چاہتے ہیں۔

برج حوت (19 فروری سے 20 مارچ)

جن افراد نے بندش وغیرہ جیسی صورت حال میں ایک عرصہ گزارا ہے، وہ اب انشاءاللہ اس سے نکلنے میں کامیاب ہو رہے ہیں اور جلد ہی تمام برے معاملات سے نجات حاصل کر لیں گے۔ ان دنوں آپ جس کام میں بھی ہاتھ ڈالنا چاہتے ہیں، اللہ کا نام لے کر ڈال دیں، وہ آپ کے لئے بہترین اسباب ضرور پیدا فرما دے گا۔ مگر اس کے لئے دل اور نیت کا صاف ہونا ضروری ہے۔