ایران نے لاکھوں افغان شہریوں کو ملک چھوڑنے یا گرفتاری کا سامنا کرنے کا حکم دے دیا

افغان شہریوں کو ملک چھوڑنے کا حکم

تہران (ڈیلی پاکستان آن لائن) ایران نے اپنی سرزمین پر مقیم لاکھوں افغان شہریوں کو حکم دیا ہے کہ وہ فوری طور پر ملک چھوڑ دیں، بصورتِ دیگر انہیں گرفتار کر لیا جائے گا۔

یہ بھی پڑھیں: امریکی ریاست کولوراڈو میں اسرائیل کے حق میں ریلی پر نامعلوم شخص کا حملہ

سیکیورٹی خدشات میں اضافہ

یہ فیصلہ ایسے وقت میں سامنے آیا ہے جب ایران اور اسرائیل کے درمیان حالیہ کشیدگی کے بعد سیکیورٹی خدشات میں اضافہ ہوا ہے۔ ایرانی حکام کا کہنا ہے کہ وہ اپنی قومی سلامتی کے تحفظ کے لیے یہ اقدامات کر رہے ہیں، تاہم اس فیصلے سے لاکھوں افغان خاندان شدید متاثر ہو رہے ہیں۔

یہ بھی پڑھیں: ویمنز ورلڈکپ کوالیفائرز کی ٹیم آف دی ٹورنامنٹ کا اعلان، فاطمہ ثنا کپتان مقرر

افغان شہریوں کی واپسی کی صورت حال

الجزیرہ کی رپورٹ کے مطابق مارچ سے اب تک سات لاکھ سے زائد افغان شہری ایران چھوڑ چکے ہیں، جب کہ صرف پچھلے مہینے میں ہی دو لاکھ 30 ہزار افغان واپس افغانستان روانہ ہوئے۔ اقوام متحدہ کی رپورٹس میں انکشاف ہوا ہے کہ ایران سے نکالے گئے یہ افراد بسوں میں بھر کر افغان سرحد پر چھوڑے جا رہے ہیں، جہاں وہ بھوکے، تھکے اور بے سہارا حالت میں اترتے ہیں۔ ان خاندانوں میں خواتین اور بچے بھی شامل ہیں جو شدید کرب اور الجھن کا شکار ہیں۔

غیر انسانی فیصلے کی تنقید

ایرانی حکومت کا مؤقف ہے کہ یہ اقدام ملکی سیکیورٹی کے لیے ضروری ہے، مگر کئی افغان شہری اس فیصلے کو نہ صرف غیر انسانی قرار دے رہے ہیں بلکہ ان کا کہنا ہے کہ اس سے خاندانی نظام ٹوٹ رہا ہے اور افغانوں کے خلاف نفرت میں اضافہ ہو رہا ہے۔