بھارت کی انگلینڈ کیخلاف ایجبسٹن ٹیسٹ میں تاریخی فتح، سیریز 1-1 سے برابر

بھارت کی شاندار فتح

برمنگھم (ڈیلی پاکستان آن لائن) بھارتی کرکٹ ٹیم نے انگلینڈ کو دوسرے ٹیسٹ میں 336 رنز کے بھاری مارجن سے شکست دے کر 5 میچز کی سیریز 1 سے برابر کر دی۔

یہ بھی پڑھیں: ویوو Y19s پرو اب پاکستان میں دستیاب، انداز، طاقت اور کارکردگی صرف 43,999 روپے میں

آخری روز کا کھیل

نجی ٹی وی جیونیوز کے مطابق اتوار کو برمنگھم کے ایجبسٹن گراؤنڈ میں ٹیسٹ کے آخری روز 608 رنز کے تعاقب میں انگلینڈ کی پوری ٹیم 271 رنز پر ڈھیر ہوگئی، اور بھارت نے میزبان ٹیم کے خلاف 336 رنز سے کامیابی سمیٹی۔

یہ بھی پڑھیں: سپریم کورٹ نے آئندہ ہفتے مقدمات کی سماعت کے لیے 9 بینچز قائم کر دیے

کپتان کی شاندار کارکردگی

بھارت کی جانب سے کپتان شبمن گل کی شاندار بیٹنگ اور آکاش دیپ کی عمدہ بولنگ نے فتح میں اہم کردار ادا کیا۔

یہ بھی پڑھیں: پاکستان میں سونے کی قیمتوں میں اضافہ جاری

پہلی اننگز کا جائزہ

ٹیسٹ میچ کی پہلی اننگز میں بھارت نے کپتان شبمن گل کی ریکارڈ ساز اننگز کی بدولت 587 رنز کا پہاڑ کھڑا کیا۔ شبمن گل نے 269 رنز کی بہترین اننگز کھیلی جبکہ رویندرا جڈیجا نے 89 اور جیسوال نے 87 رنز بنائے。

بھارت کے 587 رنز کے جواب میں میزبان انگلینڈ نے 407 رنز بنائے۔ انگلش ٹیم کی جانب سے ہیری بروک نے 158 اور وکٹ کیپر بیٹر جیمی اسمتھ نے 184 رنز کی ناٹ آؤٹ اننگز کھیلی۔ بھارت کو انگلینڈ کے خلاف پہلی اننگز میں 180 رنز کی برتری حاصل ہوئی۔

یہ بھی پڑھیں: موبائل کمپنیوں کی جانب سے صارفین سے لیے جانے والے ٹیکس کی تفصیلات سامنے آگئیں

دوسری اننگز کا مختصر جائزہ

بھارت نے انگلینڈ کے خلاف 180 رنز کی برتری کے ساتھ دوسری اننگز شروع کی اور کپتان شبمن گل کی سنچری کی بدولت 427 رنز پر اننگز ڈکلیئر کر دی۔ بھارت کی جانب سے شبمن گل نے 161 رنز کی شاندار اننگز کھیلی۔ جڈیجا نے 69، رشبھ پنت نے 65 اور کے ایل راہول نے 55 رنز بنائے۔ انگلینڈ کو جیت کیلئے 608 رنز کا ہدف ملا۔

یہ بھی پڑھیں: اسلام آباد کے نجی ہوٹل سے 23 سالہ لڑکی کی لاش برآمد، تہلکہ خیز انکشاف

آخری روز کی مشکلات

کھیل کے آخری روز 608 رنز کے تعاقب میں انگلینڈ نے نامکمل دوسری اننگز 72 رنز 3 کھلاڑی آؤٹ سے دوبارہ شروع کی، لیکن دن کے پہلے ہی گھنٹے میں اولی پوپ اور ہیری بروک کی وکٹ سے محروم ہونا پڑا۔ بین اسٹوکس اور جیمی اسمتھ نے کچھ مزاحمت کی، لیکن انگلینڈ کیلئے ایک بڑی اننگز نہ کھیل سکے۔

سٹوکس 33 رنز بناکر آؤٹ ہوئے، کرس ووکس 7 رنز بناسکے، جیمی اسمتھ 88 اور برینڈن کارس 38 رنز بناکر آؤٹ ہوئے، اور یوں انگلینڈ کی پوری ٹیم 608 رنز کے ہدف کے تعاقب میں 271 رنز بناکر آؤٹ ہوگئی۔

یہ بھی پڑھیں: کراچی کا شادی حال میدان جنگ بن گیا، دلہا دلہن کے رشتے دار گتھم گتھا، پولیس اہلکاروں کی بھی پٹائی کر دی گئی

بھارت کی قابل قدر کامیابی

بھارت کی جانب سے آکاش دیپ نے دوسری اننگز میں 6 اور میچ میں 10 وکٹیں حاصل کیں۔ ایجبسٹن ٹیسٹ میں کامیابی بھارت کیلئے اس لیے تاریخی ہے کیونکہ یہ میدان پر بھارت کی یہ پہلی فتح ہے۔

بھارتی میڈیا کے مطابق 1967 سے بھارت نے اس میدان پر 8 میچ کھیلے تھے، جس میں اسے 7 میں ناکامی ہوئی تھی جبکہ ایک میچ ڈرا ہوا۔ اس کے علاوہ یہ رنز کے اعتبار سے بھارت کی ٹیسٹ میں اپنے ملک سے باہر سب سے بڑی جیت ہے۔