بھارت کی انگلینڈ کیخلاف ایجبسٹن ٹیسٹ میں تاریخی فتح، سیریز 1-1 سے برابر

بھارت کی شاندار فتح

برمنگھم (ڈیلی پاکستان آن لائن) بھارتی کرکٹ ٹیم نے انگلینڈ کو دوسرے ٹیسٹ میں 336 رنز کے بھاری مارجن سے شکست دے کر 5 میچز کی سیریز 1 سے برابر کر دی۔

یہ بھی پڑھیں: پولیس نے لاہور میں متعدد وکلاء کو حراست میں لیا

آخری روز کا کھیل

نجی ٹی وی جیونیوز کے مطابق اتوار کو برمنگھم کے ایجبسٹن گراؤنڈ میں ٹیسٹ کے آخری روز 608 رنز کے تعاقب میں انگلینڈ کی پوری ٹیم 271 رنز پر ڈھیر ہوگئی، اور بھارت نے میزبان ٹیم کے خلاف 336 رنز سے کامیابی سمیٹی۔

یہ بھی پڑھیں: پراسیکیوشن کیس ثابت کرنے میں ناکام، سزائے موت کا مجرم 12 سال بعد بری

کپتان کی شاندار کارکردگی

بھارت کی جانب سے کپتان شبمن گل کی شاندار بیٹنگ اور آکاش دیپ کی عمدہ بولنگ نے فتح میں اہم کردار ادا کیا۔

یہ بھی پڑھیں: دنیا کا پہلا لکڑی سے بنا سیٹلائٹ خلا میں بھیج دیا گیا

پہلی اننگز کا جائزہ

ٹیسٹ میچ کی پہلی اننگز میں بھارت نے کپتان شبمن گل کی ریکارڈ ساز اننگز کی بدولت 587 رنز کا پہاڑ کھڑا کیا۔ شبمن گل نے 269 رنز کی بہترین اننگز کھیلی جبکہ رویندرا جڈیجا نے 89 اور جیسوال نے 87 رنز بنائے。

بھارت کے 587 رنز کے جواب میں میزبان انگلینڈ نے 407 رنز بنائے۔ انگلش ٹیم کی جانب سے ہیری بروک نے 158 اور وکٹ کیپر بیٹر جیمی اسمتھ نے 184 رنز کی ناٹ آؤٹ اننگز کھیلی۔ بھارت کو انگلینڈ کے خلاف پہلی اننگز میں 180 رنز کی برتری حاصل ہوئی۔

یہ بھی پڑھیں: 13 کتوں کے ساتھ جنسی زیادتی کرنے والا شخص بالآخر گرفتار کر لیا گیا

دوسری اننگز کا مختصر جائزہ

بھارت نے انگلینڈ کے خلاف 180 رنز کی برتری کے ساتھ دوسری اننگز شروع کی اور کپتان شبمن گل کی سنچری کی بدولت 427 رنز پر اننگز ڈکلیئر کر دی۔ بھارت کی جانب سے شبمن گل نے 161 رنز کی شاندار اننگز کھیلی۔ جڈیجا نے 69، رشبھ پنت نے 65 اور کے ایل راہول نے 55 رنز بنائے۔ انگلینڈ کو جیت کیلئے 608 رنز کا ہدف ملا۔

یہ بھی پڑھیں: جوڈیشل کمیشن کا اجلاس، جسٹس عتیق شاہ کو چیف جسٹس پشاور ہائیکورٹ تعینات کرنے کی منظوری

آخری روز کی مشکلات

کھیل کے آخری روز 608 رنز کے تعاقب میں انگلینڈ نے نامکمل دوسری اننگز 72 رنز 3 کھلاڑی آؤٹ سے دوبارہ شروع کی، لیکن دن کے پہلے ہی گھنٹے میں اولی پوپ اور ہیری بروک کی وکٹ سے محروم ہونا پڑا۔ بین اسٹوکس اور جیمی اسمتھ نے کچھ مزاحمت کی، لیکن انگلینڈ کیلئے ایک بڑی اننگز نہ کھیل سکے۔

سٹوکس 33 رنز بناکر آؤٹ ہوئے، کرس ووکس 7 رنز بناسکے، جیمی اسمتھ 88 اور برینڈن کارس 38 رنز بناکر آؤٹ ہوئے، اور یوں انگلینڈ کی پوری ٹیم 608 رنز کے ہدف کے تعاقب میں 271 رنز بناکر آؤٹ ہوگئی۔

یہ بھی پڑھیں: اگر کوئی سویلینز مارے گئے تو ان کو گننا ہمارا کام نہیں،ایئر مارشل اے کے بھارتی کی ویڈیو وائرل ہوگئی

بھارت کی قابل قدر کامیابی

بھارت کی جانب سے آکاش دیپ نے دوسری اننگز میں 6 اور میچ میں 10 وکٹیں حاصل کیں۔ ایجبسٹن ٹیسٹ میں کامیابی بھارت کیلئے اس لیے تاریخی ہے کیونکہ یہ میدان پر بھارت کی یہ پہلی فتح ہے۔

بھارتی میڈیا کے مطابق 1967 سے بھارت نے اس میدان پر 8 میچ کھیلے تھے، جس میں اسے 7 میں ناکامی ہوئی تھی جبکہ ایک میچ ڈرا ہوا۔ اس کے علاوہ یہ رنز کے اعتبار سے بھارت کی ٹیسٹ میں اپنے ملک سے باہر سب سے بڑی جیت ہے۔

سیریز کا مستقبل

واضح رہے کہ ایجبسٹن میں فتح کے ساتھ بھارت نے 5 میچز کی سیریز ایک-ایک سے برابر کرلی ہے۔ سیریز کا تیسرا ٹیسٹ 10 جولائی سے لارڈز میں شروع ہوگا۔