بلوچستان میں حالیہ مون سون بارش سے کتنا نقصان ہوا؟ پی ڈی ایم اے کی رپورٹ جاری

مون سون بارشوں سے نقصان کی رپورٹ

کوئٹہ (ڈیلی پاکستان آن لائن) بلوچستان میں حالیہ مون سون بارشوں کے دوران نقصانات پر پی ڈی ایم اے کی رپورٹ جاری کردی گئی ہے۔

یہ بھی پڑھیں: سابق وزیر سے ہاتھ ملانے پر مسلم طالبہ کے خلاف زہریلا پروپیگنڈا

حادثات کے نتیجے میں جانی نقصان

نجی ٹی وی سما نیوز کے مطابق پی ڈی ایم اے کے اعداد و شمار کے مطابق بارش کے دوران مختلف حادثات میں 7 افراد جاں بحق اور 7 افراد زخمی ہوئے۔ حالیہ بارش، طوفانی ہواؤں، اور آسمانی بجلی گرنے کے واقعات نے مختلف علاقوں میں نقصانات کا سبب بنی۔

زخمیوں اور نقصانات کی تفصیلات

رپورٹ کے مطابق واشک میں سیلابی صورتحال کے باعث 5 مکان مکمل طور پر منہدم ہوئے۔ واشک، لورالائی، اور سوراب میں مکانات، زرعی زمینوں، اور سولر پینلز کو بھی نقصان پہنچا۔ پی ڈی ایم اے کی جانب سے متاثرہ اضلاع میں ریسکیو آپریشن جاری ہے۔