بھارت آپریشن سندور کے دوران اپنے مقرر کردہ فوجی اہداف حاصل کرنے میں ناکام رہا، فیلڈ مارشل عاصم منیر

فیلڈ مارشل سید عاصم منیر کا بیان

راولپنڈی(ڈیلی پاکستان آن لائن) فیلڈ مارشل سید عاصم منیر نے کہا کہ بھارت آپریشن سندور کے دوران اپنے مقرر کردہ فوجی اہداف حاصل کرنے میں ناکام رہا۔ آپریشن سندور میں ناکامی کی غیر منطقی توجیہات پیش کرنا بھارت کی سٹریٹیجک دور اندیشی میں کمی کا اظہار ہے۔

یہ بھی پڑھیں: ویوو کا نیا سمارٹ فون V40e 5G اب پاکستان میں دستیاب

نیشنل ڈیفنس یونیورسٹی کا دورہ

پاک فوج کے شعبہ تعلقات عامہ آئی ایس پی آر کے مطابق فیلڈ مارشل سید عاصم منیر، نشان امتیاز (ملٹری) نے نیشنل ڈیفنس یونیورسٹی اسلام آباد کا دورہ کیا۔ فیلڈ مارشل نے "نیشنل سکیورٹی اینڈ ورا کورس" کرنے والے فارغ التحصیل فوجی افسران سے خطاب کیا۔

یہ بھی پڑھیں: مریم نواز نے خطے کی سب سے بڑی کلائمیٹ آبزرویٹری بنانے کی منظوری دے دی

جنگ کے کردار پر روشنی

آئی ایس پی آر کے مطابق، فیلڈ مارشل نےشرکاء سے خطاب کے دوران جنگ کے بدلتے ہوئے کردار پر روشنی ڈالی۔ انہوں نے چیلنجز سے نمٹنے کیلئے ذہنی تیاری، عملی فہم، اور ادارہ جاتی پیشہ ورانہ مہارت کی اہمیت پر زور دیا۔ فیلڈ مارشل نے سول اورملٹری اداروں کے مابین ہم آہنگی کو فروغ دینے کی ضرورت پر بھی زور دیا۔

یہ بھی پڑھیں: جس شخص پر 3 قاتلانہ حملے ہو چکے ہوں، اسے بغیر اطلاع، بغیر ذاتی معالج اور بغیر قانونی اجازت کہیں اور لے جانا محض تشویش ناک نہیں بلکہ خطرناک سازش کی بو دیتا ہے، سردار عبدالقیوم نیازی

بھارت کی سٹریٹجک ناکامی

فیلڈ مارشل سید عاصم منیر نے افسران سے خطاب کرتے ہوئے کہا کہ بھارت آپریشن سندور کے دوران اپنے مقرر کردہ فوجی اہداف حاصل کرنے میں ناکام رہا۔ آپریشن سندور میں ناکامی کی غیر منطقی توجیہات پیش کرنا بھارت کی سٹریٹیجک دور اندیشی میں کمی کا اظہار ہے۔ انہوں نے مزید کہا کہ بھارت پاکستان کی دہائیوں پر مبنی حکمت عملی، مقامی صلاحیت، اور مضبوط اداروں کی بنیاد پر کامیابی کو تسلیم کرنے سے گریزاں ہے۔

بھارت کی ناقص سیاسی کوششیں

فیلڈ مارشل سید عاصم منیر کا کہنا تھا کہ خالصتاً دوطرفہ فوجی تصادم میں دیگر ملکوں کو شامل کرنا بھارت کی ناقص سیاسی کوشش ہے۔ بھارت کے بے بنیاد بیانات کا مقصد خطے میں فرضی 'نیت سکیورٹی پروائڈر' کے خود ساختہ رول کی ناکام کوشش ہے۔ خطے کے ممالک بھارت کے جارحانہ ہندوتوا نظریے سے تنگ ہیں، اور پاکستان کی خود مختاری کی خلاف ورزی کا فوری اور منہ توڑ جواب دیا جائے گا۔