سینیٹ میں خیبرپختونخوا کی نشستوں کے لیے امیدواروں کی فہرست جاری

انتخابات کے لیے امیدواروں کی فہرست

اسلام آباد(ڈیلی پاکستان آن لائن) الیکشن کمیشن نے سینیٹ میں خیبر پختونخوا کی نشستوں پر انتخابات کے لیے امیدواروں کی فہرست جاری کردی۔

یہ بھی پڑھیں: خواتین کو ہر میدان میں آگے بڑھتے دیکھنے کا قائل ہوں: وزیر تعلیم رانا سکندر حیات

حتمی فہرست کی تاریخ

ڈان نیوز کے مطابق الیکشن کمیشن نے کہا ہے کہ 27 مارچ، 2024 کو بننے والی فہرست ہی حتمی تصور کی جائے گی، سینیٹ انتخابات کے لیے کوئی نئے کاغذات نامزدگی نہیں ہوں گے۔

یہ بھی پڑھیں: علی امین گنڈا پور جس کنٹینر سے اسلام آباد پہنچے، وہ اب کہاں ہے؟ حیران کن انکشاف

امیدواروں کی تفصیلات

الیکشن کمیشن نے صوبے کی 7 جنرل نشستوں کے لیے کل 16 امیدواروں کی فہرست جاری کی ہے، خواتین کی نشستوں کے لیے چار اور ٹیکنو کریٹ کے لئے 6 امیدواروں کی فہرست جاری کی گئی ہے۔

یہ بھی پڑھیں: مستونگ میں 10 سالہ لڑکی کو گھر میں جنسی تشدد کا نشانہ بنانے کے بعد قتل کر دیاگیا

مقابلے میں شامل امیدوار

جنرل نشست کیلیے امیدواروں میں پیپلز پارٹی کا 1 امیدوار، جےیو پی 1 اور ن لیگ کا ایک امیدوار شامل ہے۔ ٹیکنوکریٹ سیٹ کیلئے جے یو پی کا ایک امیدوار مقابلے کیلئے میدان میں اترے گا۔

یہ بھی پڑھیں: کراچی: چئیرمین سینیٹ یوسف رضا گیلانی ٹڈاپ میگا کرپشن کے 9 مقدمات سے بری

خواتین کی نشستیں

الیکشن کمیشن کے مطابق خواتین کی نشستوں کیلئے پی پی پی کی ایک امیدوار قسمت آزمائی کریں گی۔

انتخابات کا شیڈول

قبل ازیں 4 جولائی کو الیکشن کمیشن نے سینیٹ کی خیبر پختونخوا کی 7 جنرل، 2 خواتین اور 2 ٹیکنوکریٹس کی نشستوں پر انتخابات کا شیڈول جاری کر دیا تھا، جس کے مطابق پولنگ 21 جولائی کو صوبائی اسمبلی میں ہوگی۔