زارا نور کی خواتین کو خوبصورت نظر آنے کے لیے ادویات کا استعمال نہ کرنے کی اپیل

اداکارہ زارا نور عباس کا پیغام

لاہور(ڈیلی پاکستان آن لائن) اداکارہ زارا نور عباس خواتین کو خوبصورتی بڑھانے اور سدا جوان نظر آنے کے لیے ادویات کا استعمال نہ کرنے کی اپیل کرتی ہیں۔ انہوں نے کہا ہے کہ بڑھاپا قدرتی عمل ہے، جسے خوبصورتی سے اپنانا چاہیے۔

یہ بھی پڑھیں: کراچی سے شہریوں کے اغوا اور تاوان طلب کیے جانے کا معاملہ، لڑکی سمیت پولیس اہلکار کے بھی ملوث ہونے کا انکشاف

بڑھاپے کی قبولیت

ڈان نیوز کے مطابق زارا نور عباس نے انسٹاگرام پوسٹ میں خواتین کو اپیل کی کہ بڑھاپا کوئی طعنہ نہیں، عمر گزرنے اور اسے بڑھنے سے کوئی روک نہیں سکتا۔ یہ ایک قدرتی عمل ہے، جسے قبول کرنا چاہیے۔

یہ بھی پڑھیں: پیٹرولیم مصنوعات مزید مہنگی ہونے کا امکان، نئی قیمتیں کیا ہوں گی؟

عقل اور دانشمندی کی اہمیت

اداکارہ نے لکھا کہ خوبصورتی اور جاذب نظر آنا وقتی چیزیں ہیں۔ خواتین کو عارضی چیزوں سے گریز کرکے ذہانت اور عقل سے کام لینا چاہیے۔

یہ بھی پڑھیں: ستاروں کی روشنی میں آپ کا آج (ہفتے) کا دن کیسا رہے گا ؟

ادویات کے خطرات

زارا نور عباس نے واضح کیا کہ خواتین کو خوبصورتی بڑھانے، چہرے کو دلکش بنانے، وزن کم کرنے اور سدا جوان نظر آنے کے لیے کسی بھی ادویات کا استعمال نہیں کرنا چاہیے۔ ان کے مطابق جوان رہنے اور خوبصورت نظر آنے کے لیے ادوایات کا استعمال ایک طرح سے نشے کی لت کی طرح ہے، جس کے عادی ہونے کے خطرناک نقصانات ہیں۔

یہ بھی پڑھیں: ڈپلومیٹک انکلیو میں سفارتکاروں کی سہولت کیلئے قائم خدمت مرکز کا افتتاح

خوبصورتی کی سچائی

زارا نور عباس نے بڑھتی عمر اور بڑھاپے کو خوبصورت سچائی قرار دیتے ہوئے خواتین کو مشورہ دیا کہ وہ اسے قبول کریں اور خوبصورتی بڑھانے کے لیے ادوایات کا استعمال ترک کردیں۔

یہ بھی پڑھیں: بوشہر ایٹمی پاور پلانٹ پر اسرائیلی حملہ چرنوبل جیسے سانحے کا سبب بن سکتا ہے، روس

ادویات کے منفی اثرات

زراب نور عباس نے اس وقت خواتین کو خوبصورت نظر آنے کے لیے ادویات کے استعمال نہ کرنے کی نصیحت کی ہے جب کہ حال ہی میں بھارتی اداکارہ شیفالی جریوالا کی اچانک موت ہوئی تھی۔ بھارتی میڈیا رپورٹس کے مطابق شیفالی جریوالا خوبصورتی بڑھانے اور سدا جوان رہنے کے لیے استعمال کرنے والی ادویات کے منفی اثرات کی وجہ سے ہارٹ اٹیک کا شکار ہوکر چل بسیں۔

شیفالی جریوالا کا پس منظر

رپورٹس کے مطابق شیفالی جریوالا گزشتہ ایک دہائی سے اینٹی ایجنگ ادوایات کا استعمال کرتی آرہی تھیں۔