این ڈی ایم اے نے بارشوں اور سیلاب سے نقصانات کی رپورٹ جاری کر دی

بارشوں اور سیلاب سے نقصانات کی رپورٹ

لاہور (ڈیلی پاکستان آن لائن) این ڈی ایم اے نے 26 جون سے 7 جولائی کے دوران بارشوں اور سیلاب سے نقصانات کی رپورٹ جاری کردی۔

یہ بھی پڑھیں: زرعی اور صنعتی صارفین کے لیے بڑی خوشخبری، حکومت نے بجلی قیمتوں میں ریلیف دینے کے لیے طویل مدت کا پیکیج تیار کرلیا۔

نقصانات کا جائزہ

این ڈی ایم اے کے مطابق 12 روز کے دوران ملک بھر میں 79 لوگ جان سے گئے۔ خیبرپختونخوا میں 29، پنجاب میں 24، سندھ میں 15 اور بلوچستان میں 11 افراد کی ہلاکت ہوئی۔

یہ بھی پڑھیں: ایئر چیف مارشل ظہیر احمد بابر سے مراکشی ایئر فورس کے میجر جنرل قدیح کی ملاقات،فوجی تعاون، مشترکہ تربیت اور صنعتی شعبے میں تعاون پر تبادلہ خیال

زخمیوں کی تعداد

این ڈی ایم اے کے مطابق بارشوں اور سیلاب سے 140 لوگ زخمی بھی ہوئے، جن میں 57 بچے، 48 مرد اور 35 خواتین شامل ہیں۔ اس کے علاوہ، 66 گھر مکمل طور پر تباہ ہوئے جبکہ 123 مکانات کو جزوی نقصان پہنچا۔

یہ بھی پڑھیں: ویڈیو: میڈیکل سائنس کی دنیا میں انقلاب برپا ہو گیا، چینی ڈاکٹر نے ہزاروں میل دور سے مریض کی کامیاب سرجری کر دی

مون سون بارشیں

مون سون کی بارشوں کے حوالے سے پی ڈی ایم اے نے رپورٹ جاری کردی۔ ترجمان کے مطابق شیخوپورہ میں سب سے زیادہ 48 ملی میٹر بارش ریکارڈ کی گئی۔ لاہور میں 40، گوجرانوالہ 6، مری 5 اور فیصل آباد میں 4 ملی میٹر بارش ریکارڈ کی گئی۔

یہ بھی پڑھیں: آئی ایس پی آر نے جنگ ستمبر 1965 پر نئی ڈاکیومینٹری جاری کردی

دیگر علاقوں میں بارش

ترجمان پی ڈی ایم اے کے مطابق سیالکوٹ میں 2 اور منڈی بہاؤالدین میں 1 ملی میٹر بارش ریکارڈ ہوئی۔ اٹک، ٹوبہ ٹیک سنگھ، بہاولنگر، قصور اور بہاولپور میں بھی بارش ریکارڈ کی گئی۔