بھارتی کرکٹر یش دیال کے خلاف خاتون سے زیادتی کا مقدمہ درج

بھارتی کرکٹر یش دیال کے خلاف مقدمہ

ممبئی (ڈیلی پاکستان آن لائن) خاتون سے زیادتی کے کیس میں بھارتی کرکٹر یش دیال کے خلاف مقدمہ درج کرلیا گیا۔

یہ بھی پڑھیں: پاک بھارت کشیدگی، ٹک ٹاکر جنت مرزا نے تنقید کے بعد خاموشی توڑ دی

خاتون کا الزام

بھارتی میڈیا کے مطابق رائل چیلنجرز بنگلور (آر سی بی) کے فاسٹ بولر یش دیال کے خلاف خاتون سے زیادتی کا کیس رجسٹرڈ کیا گیا ہے۔ غازی آباد سے تعلق رکھنے والی خاتون نے مبینہ طور پر فاسٹ بولر یش دیال پر جنسی استحصال کا الزام لگایا تھا اور کرکٹر کے خلاف اندراجِ مقدمہ کی درخواست دی تھی۔

یہ بھی پڑھیں: خیبرپختونخوا، حالیہ سیلاب میں جاں بحق 411 میں سے 352 افراد کے لواحقین کو معاوضے کی ادائیگی مکمل

تشدد اور مالی استحصال

خاتون نے الزام عائد کرتے ہوئے کہا کہ 5 سالہ تعلق کے دوران یش دیال نے جسمانی اور ذہنی تشدد کیا۔ اس کے علاوہ خاتون نے کرکٹر پر شادی کا وعدہ کرکے مالی طور پر استحصال کرنے کا بھی الزام لگایا ہے۔