چینی باشندے کے گھر سے پونے دو کروڑ کی چوری کرنے والے ملزمان گرفتار

پولیس کی کارروائی

لاہور (ڈیلی پاکستان آن لائن) لاہور پولیس کے آپریشنز ونگ نے ڈیفنس میں چینی باشندے کے گھر چوری کرنے والے ملزمان کو پکڑ لیا۔

یہ بھی پڑھیں: رواں مالی سال کے دوران گدھوں اور مویشیوں کی تعداد میں اضافہ

ملزمان کی گرفتاری

اے ایس پی ڈیفنس شہر بانو نقوی نے چینی شہریوں کے ہمراہ پریس کانفرنس میں بتایا کہ چینی باشندوں کے گھر سے ایک کروڑ 80 لاکھ روپے کی چوری کے 3 ملزمان کو گرفتار کرلیا جن کے قبضے سے سوا کروڑ روپے برآمد کیے گئے ہیں۔

یہ بھی پڑھیں: سونے کی قیمت پھر بڑھ گئی، 900روپے کا اضافہ

چوری کی تفصیلات

اے ایس پی کے مطابق گرفتار ملزمان چینی شہری شی ڈیپو کے گھر کام کرتے تھے، ملزمان نے 3 دن پہلے کیش لوٹا اور آبائی شہر چشتیاں فرار ہوگئے۔ 2 ملزمان سیکیورٹی گارڈ شبیر اور امتیاز نے تیسرے شخص علی عزیر سے مل کر واردات کی۔