پاکستان میں ’می ٹو مہم‘ کا غلط استعمال کیا گیا: کومل میر

کومل میر کا بیان

اسلام آباد(ڈیلی پاکستان آن لائن) اداکارہ کومل میر نے کہا ہے کہ دنیا بھر میں خواتین کو ہراساں کرنے کے خلاف شروع کی گئی مہم ’می ٹو‘ کو پاکستان میں غلط استعمال کیا گیا۔

یہ بھی پڑھیں: قومی اسمبلی نے گھریلو تشدد کی روک تھام اور تشدد کا شکار افراد کے تحفظ کا بل منظور کر لیا

ڈرامے 'گونج' کا تعارف

ڈان نیوز کے مطابق اداکارہ نے بتایا کہ لڑکیوں کی ہراسانی جیسے مسائل کو سامنے لانے کے لیے ان کے جلد ہی ریلیز ہونے والے ڈرامے ’گونج‘ میں کام کی جگہوں پر زبانی بدکلامی اور ہراسانی جیسے مسائل کو سامنے لایا جائے گا۔

یہ بھی پڑھیں: دوسرا ون ڈے، پاکستان نے ویسٹ انڈیز کو جیتنے کے لیے 35اوورز میں 181رنز کا ہدف دے دیا

ڈرامے کی تخلیق

سماجی مسائل پر بنائے گئے ڈرامے ’گونج‘ کی ہدایات رؤف وجاہت نے دی ہیں اور انہوں نے ہی ڈرامے کو پروڈیوس بھی کیا ہے۔ ڈرامے کو جلد ہی ہم ٹی وی پر نشر کیا جائے گا، اس کی تشہیر کے سلسلے میں ہونے والی ایک تقریب میں کومل میر نے ڈرامے کی کہانی سے پردہ اٹھایا۔

یہ بھی پڑھیں: نئے ٹیکس قواعد نے تاجروں کو الجھن میں ڈال دیا، قواعد واضح کیے بغیرشرائط لاگو نہ کی جائیں، چیئرمین پی سی ڈی ایم اے کا مطالبہ

کہانی کا مرکزی خیال

کومل میر نے ڈرامے کی لیڈنگ کاسٹ اور ٹیم کے ساتھ ایک تقریب میں بات کرتے ہوئے بتایا کہ ’گونج‘ کی کہانی کام کی جگہ پر بدکلامی اور ہراسانی کے گرد گھومتی ہے۔ انہوں نے بتایاکہ ڈرامے میں دکھایا جائے گا کہ کس طرح خواتین کو کام کی جگہ پر زبانی بدکلامی کا نشانہ بنایا جاتا ہے اور پھر کس طرح سیکڑوں لڑکیوں میں سے کچھ ہی لڑکیاں اپنے ہونے والی زیادتی پر اٹھ کھڑی ہوتی ہیں۔

یہ بھی پڑھیں: جی ایچ کیو حملہ کیس کی سماعت پھر ملتوی، وجہ بھی سامنے آگئی

اداکارہ کا کردار

اداکارہ کا کہنا تھا کہ وہ ڈرامے میں اپنے ساتھ کام کی جگہ پر ہونے والی ہراسانی کا کیس لڑتی دکھائی دیں گی۔ انہوں نے کہا کہ ڈرامے کا ایک مقصد یہ بھی ہے کہ عوام میں شعور اجاگر کیا جائے کہ ملک میں کام کی جگہ پر زبانی بدکلامی سے بچنے کے قوانین موجود ہیں، جن کے ذریعے متاثرین اپنا حق لے سکتے ہیں۔

یہ بھی پڑھیں: مسلم لیگ ن لندن کے زیر اہتمام یومِ تکبیر کا جشن ، نواز شریف کے فیصلے کو “دُلیرانہ  فیصلہ” قرار دیا گیا

قانونی معلومات

اداکارہ کے مطابق انہیں بھی حال ہی میں معلوم ہوا کہ پاکستان میں ایسے قوانین موجود ہیں، جن کے ذریعے کام کی جگہ پر زبانی کلامی جیسے معاملات کے مقدمات لڑے جا سکتے ہیں۔ کومل میر کا کہنا تھا کہ پاکستان جیسے معاشرے میں لڑکیوں کو ہراساں کرنے کا معاملہ ویسے بھی سنگین ہیں، ایسے معاملات کے خلاف لڑکیاں سامنے نہیں آتیں۔

می ٹو مہم کا اثر

انہوں نے مثال دی کہ پاکستان میں ’می ٹو‘ مہم کو بھی غلط استعمال کیا گیا، جس وجہ سے لڑکیوں کے مسائل بڑھے۔