اداکارہ حمیرا اصغر کی لاش فلیٹ سے برآمد

خاتون اداکارہ حمیرا اصغر کی موت

کراچی (ڈیلی پاکستان آن لائن) شوبز انڈسٹری کی معروف اداکارہ حمیرا اصغر کی لاش ڈیفنس میں فلیٹ سے برآمد ہوئی ہے۔

یہ بھی پڑھیں: جائیداد کے لالچ میں بیٹے نے باپ کو سانپ سے ڈسوا دیا

پولیس کی تحقیقات

پولیس حکام کے مطابق، ڈیفنس فیز 6 اتحاد کمرشل میں فلیٹ سے خاتون کی لاش برآمد ہوئی۔ ابتدائی تحقیقات کے مطابق 35 سالہ اداکارہ حمیرا اصغر فلیٹ میں 7 سال سے اکیلی رہ رہی تھیں۔

یہ بھی پڑھیں: وزیر اعلیٰ مریم نواز کا سخت ایکشن، نشتر ہسپتال کے ایم ایس سمیت 6 ڈاکٹروں اور ہیڈ نرس معطل، ایڈز سے متاثرہ مریضوں کو ہرجانہ ادا کرنے کا حکم

گھر کے حالات

پولیس کے مطابق اداکارہ نے 2018 میں فلیٹ کرایہ پر لیا تھا اور 2024 سے کرایہ نہیں دیا تھا۔ سی بی سی میں مالک مکان نے کیس کیا ہوا تھا، آج بیلف آیا تو لاش دیکھی۔

یہ بھی پڑھیں: اگر ایران آبنائے ہرمز کو بند کرتا ہے تو چین کو اس کا سب سے بڑا خمیازہ بھگتنا پڑے گا ، امریکی وزیر خارجہ

طبعی موت کی تحقیقات

تفتیشی حکام کا کہنا ہے کہ واقعہ ابتدائی طور پر طبعی معلوم ہوتا ہے۔ لاش کو جناح اسپتال منتقل کردیا گیا ہے اور پوسٹ مارٹم کے بعد مزید کچھ پتہ چل سکے گا۔ فلیٹ کو سیل کردیا گیا ہے اور مزید تحقیقات جاری ہیں۔

یہ بھی پڑھیں: ارشد خان چائے والا کی شہریت سے متعلق نادرا کی رپورٹ کے مندرجات سامنے آگئے

لاش کی شناخت

پولیس کے مطابق لاش کئی روز پرانی ہونے کے باعث شناخت ممکن نہیں، ڈی این اے سیمپلز کی مدد سے ہی شناخت ممکن ہوسکے گی۔ بلڈنگ کے مکینوں کے مطابق خاتون کا نام حمیرا اصغر ہے اور وہ ماڈل، اداکارہ تھیں۔