اداکارہ حمیرا اصغر کی لاش فلیٹ سے برآمد

خاتون اداکارہ حمیرا اصغر کی موت

کراچی (ڈیلی پاکستان آن لائن) شوبز انڈسٹری کی معروف اداکارہ حمیرا اصغر کی لاش ڈیفنس میں فلیٹ سے برآمد ہوئی ہے۔

یہ بھی پڑھیں: وزیراعظم کی ہدایت، تنخواہ دار طبقے کو ٹیکسوں میں ریلیف پر کام شروع

پولیس کی تحقیقات

پولیس حکام کے مطابق، ڈیفنس فیز 6 اتحاد کمرشل میں فلیٹ سے خاتون کی لاش برآمد ہوئی۔ ابتدائی تحقیقات کے مطابق 35 سالہ اداکارہ حمیرا اصغر فلیٹ میں 7 سال سے اکیلی رہ رہی تھیں۔

یہ بھی پڑھیں: قومی اسمبلی کے 6 اور پنجاب اسمبلی کے 7 حلقوں پر ضمنی انتخابات، پولنگ جاری

گھر کے حالات

پولیس کے مطابق اداکارہ نے 2018 میں فلیٹ کرایہ پر لیا تھا اور 2024 سے کرایہ نہیں دیا تھا۔ سی بی سی میں مالک مکان نے کیس کیا ہوا تھا، آج بیلف آیا تو لاش دیکھی۔

یہ بھی پڑھیں: گوادر انٹرنیشنل ایئرپورٹ نے اہم سنگ میل عبور کر لیا، جہازوں کی ری فیولنگ شروع

طبعی موت کی تحقیقات

تفتیشی حکام کا کہنا ہے کہ واقعہ ابتدائی طور پر طبعی معلوم ہوتا ہے۔ لاش کو جناح اسپتال منتقل کردیا گیا ہے اور پوسٹ مارٹم کے بعد مزید کچھ پتہ چل سکے گا۔ فلیٹ کو سیل کردیا گیا ہے اور مزید تحقیقات جاری ہیں۔

یہ بھی پڑھیں: بانی پی ٹی آئی اور فسادیوں کا گروہ انقلاب نہیں لاسکے تو قاسم و سلمان کیا تیر مارلیں گے؟ عظمیٰ بخاری

لاش کی شناخت

پولیس کے مطابق لاش کئی روز پرانی ہونے کے باعث شناخت ممکن نہیں، ڈی این اے سیمپلز کی مدد سے ہی شناخت ممکن ہوسکے گی۔ بلڈنگ کے مکینوں کے مطابق خاتون کا نام حمیرا اصغر ہے اور وہ ماڈل، اداکارہ تھیں۔