علیمہ خان کے بیان پر وزیر اطلاعات پنجاب عظمیٰ بخاری کا رد عمل آ گیا

وزیر اطلاعات پنجاب کا سخت ردعمل

لاہور (ڈیلی پاکستان آن لائن ) وزیر اطلاعات پنجاب عظمیٰ بخاری نے چیئرمین پی ٹی آئی کی ہمشیرہ علیمہ خان کے حالیہ بیان پر سخت ردعمل دیتے ہوئے کہا ہے کہ بانی پی ٹی آئی کے اہلخانہ، وکلاء اور بشریٰ بی بی کے رشتہ دار الگ الگ ملاقاتیں کرتے ہیں، اور پھر شکوہ کرتے ہیں کہ ملاقات کی اجازت نہیں۔ کیا وہ چاہتے ہیں کہ جیل میں کسی جلسے کا انعقاد کر دیں تاکہ بانی پی ٹی آئی قیدیوں سے خطاب فرما سکیں؟

یہ بھی پڑھیں: 2019 میں بالاکوٹ حملے کے بعد پاکستانی فوج نے جن ٹارگٹس کو نشانہ بنایا ان میں سے ایک کے قریب کونسی بھارتی اہم شخصیت موجود تھی؟ بڑا انکشاف ہوگیا

جیل میں جلسے کا انتظام؟

عظمیٰ بخاری نے علیمہ خان سے براہ راست سوال کیا کہ آپ بتائیں، کیا ہم جیل میں جلسے کا انتظام کر کے قیدیوں کو بطور شرکاء بٹھا دیں؟ پنجاب میں قانون سب کے لیے برابر ہے اور اس کی ایک بڑی مثال حالیہ دنوں دیکھنے میں آئی، جب لاہور ٹریفک پولیس نے وزیراعلیٰ پنجاب کے صاحبزادے کا ٹریفک چالان کر کے قانون کی حکمرانی کو عملی طور پر ثابت کیا۔

ماضی کی تلخ یادیں

وزیر اطلاعات نے ماضی کی تلخ یاد دلاتے ہوئے کہا کہ ایک وقت تھا جب ایک سابق خاتون اول کے بیٹے کا چالان کرنے پر پاکپتن کے وارڈن سے لے کر ڈی پی او تک کو تبدیل کر دیا گیا تھا۔ آج پنجاب میں صورتحال یکسر مختلف ہے، یہاں قانون کا اطلاق سب پر یکساں ہے اور "بااثر" کا دور ختم ہو چکا ہے۔ حکومت قانون کی بالادستی پر مکمل یقین رکھتی ہے اور کسی کو بھی قانون سے بالاتر ہونے کی اجازت نہیں دی جائے گی۔