قائمہ کمیٹی داخلہ اجلاس؛ خیرات میں جو دوتہائی اکثریت آ گئی ہے اس سے آپ زیادہ مغرور ہو گئے، نبیل گبول کا طلال چوہدری، چیئرمین سی ڈی اے کے رویے پر اجلاس کا بائیکاٹ

نبیل گبول کا بائیکاٹ

اسلام آباد(ڈیلی پاکستان آن لائن) قومی اسمبلی کی قائمہ کمیٹی داخلہ کے اجلاس میں وزیر مملکت طلال چودھری اور چیئرمین سی ڈی اے کے رویے پر پیپلزپارٹی کے رہنما نبیل گبول بائیکاٹ کر گئے۔ نبیل گبول نے کہا کہ خیرات میں جو دوتہائی اکثریت آ گئی ہے اس سے آپ زیادہ مغرور ہو گئے ہیں، ہم نے پہلے بھی آپ کو حکومت گرا کر دکھایا تھا، اب بھی ہم کر سکتے ہیں۔

یہ بھی پڑھیں: پنجاب پبلک سروس کمیشن نے تحریری اور حتمی نتائج کا اعلان کر دیا

اجلاس کی تفصیلات

نجی ٹی وی چینل جیو نیوز کے مطابق قومی اسمبلی کی قائمہ کمیٹی داخلہ کا اجلاس راجہ خرم نواز کی زیرصدارت منعقد ہوا، جہاں شازیہ مری کی جانب سے سی ڈی اے ترمیمی بل پیش کیا گیا۔

یہ بھی پڑھیں: بھارت نے خدمات معطل کر دیں، کرتار پور راہداری تیسرے روز بھی بند رہی

شازیہ مری کا موقف

شازیہ مری نے کہا کہ اس افسر کے خلاف تحریک استحقاق لاؤں گی کیونکہ یہ قانون سازی آگے بڑھنے نہیں دیتے۔ وزیر مملکت طلال چودھری نے جواب دیتے ہوئے کہا کہ آپ تحریک لائیں، میں خود اس کا سامنا کروں گا۔ پیپلزپارٹی کی رکن شازیہ مری نے کہا کہ آپ ہمیں دھمکی دے رہے ہیں، جس پر طلال چودھری نے کہا کہ دھمکی تو آپ دے رہی ہیں۔

یہ بھی پڑھیں: پاکستان میں اربوں ڈالروں کی براہ راست غیر ملکی سرمایہ کاری کا ممکنہ موقع

نبیل گبول کا موقف

پیپلزپارٹی کے رہنما نبیل گبول وزیر مملکت طلال چودھری اور چیئرمین سی ڈی اے کے رویے پر کمیٹی سے واک آؤٹ کر گئے۔ انہوں نے کہا کہ منسٹر صاحب، چیئرمین سی ڈی اے کا پیپلزپارٹی ممبر کی جانب لہجہ بہت تلخ ہے۔

نبیل گبول کا انتباہ

نبیل گبول نے کہا کہ خیرات میں جو دوتہائی اکثریت آ گئی ہے اس سے آپ زیادہ مغرور ہو گئے ہیں، ہم نے پہلے بھی آپ کو حکومت گرا کر دکھایا تھا، اب بھی ہم کر سکتے ہیں۔ انہوں نے مزید کہا کہ وزیر مملکت کے لہجے اور رویے کے خلاف کمیٹی اجلاس سے بائیکاٹ کرتا ہوں۔