83-Year-Old Roshan Bibi Joins D-Chowk Protest After Arrest from Liaquat Bagh

راولپنڈی میں پی ٹی آئی کارکنان کی گرفتاری

اسلام آباد(ڈیلی پاکستان آن لائن) راولپنڈی کے لیاقت باغ میں پی ٹی آئی کی جانب سے دی گئی کال پر کئی کارکنان کی گرفتاریاں عمل میں لائی گئی تھیں، جن میں خواتین بھی شامل تھیں۔ ان میں سے ایک 83 سالہ خاتون روشن بی بی تھیں، جن کو پولیس نے گرفتار کیا تھا لیکن عدالت نے انہیں مقدمہ سے بری کردیا تھا۔

یہ بھی پڑھیں: وزیراعلیٰ مریم نواز کا پی پی 167 کے ضمنی انتخابات میں ملک محمد شفیع کی بلا مقابلہ کامیابی پر اظہار تشکر

روشن بی بی کا احتجاج میں شرکت کرنا

اب پی ٹی آئی کے آفیشل فیس اکاؤنٹ سے یہ دعویٰ کیا جارہا ہے کہ راولپنڈی احتجاج سے گرفتار ہونے والی 83 سالہ بزرگ خاتون روشن بی بی پھر ڈی چوک احتجاج میں شرکت کیلئے پہنچی ہیں۔

یہ بھی پڑھیں: خواجہ اعجاز سرور کی یاد میں انفارمیشن سروسز اکیڈمی اسلام آباد میں تعزیتی ریفرنس کا انعقاد

پی ٹی آئی کے احتجاج کا منظر

اس سے قبل پی ٹی آئی کے احتجاج کے باعث شہر اقتدار میدان جنگ کا منظر پیش کرنے لگا، مختلف مقامات پر پولیس اور پی ٹی آئی کارکنان آمنے سامنے آئے، جبکہ کہیں کہیں آںکھ مچولی لگی رہی۔

پولیس کی کارروائیاں

جیونیوز کے مطابق، پولیس کی جانب سے جناح ایونیو چائنہ چوک کے قریب تحریک انصاف کے کارکنوں پر شیلنگ کی گئی، جناح ایونیو بلیو ایریا میں پولیس اور تحریک انصاف کے کارکنان میں آںکھ مچولی جاری رہی۔

فیض آباد کے مقام پر پولیس کی جانب سے پی ٹی آئی کارکنوں پر شیلنگ کی گئی جبکہ کارکنوں نے پولیس پر پتھراؤ کیا۔ پی ٹی آئی کارکنان وقفے وقفے سے بلیو ایریا میں اکٹھے ہوئے۔ ایکسپریس وے پر سوہان کے قریب پولیس اور پی ٹی آئی کارکنوں میں جھڑپیں ہوئیں، راولپنڈی کے علاقے شمس آباد میں پولیس نے پی ٹی آئی کارکنوں پر شیلنگ کی۔