عمران خان کو ان کے بچے اور بہنیں رہائی نہیں دلوا سکتے: سینیٹر عرفان صدیقی

مسلم لیگ ن کے رہنما کی گفتگو

لاہور(ڈیلی پاکستان آن لائن) مسلم لیگ ن کے سینئر رہنما اور سینیٹر عرفان صدیقی نے کہا ہے کہ بانی پی ٹی آئی کو ان کے بچے اور بہنیں رہائی نہیں دلوا سکتے، عمران خان کی رہائی خود ان پر منحصر ہے۔

یہ بھی پڑھیں: بلوچستان میں دہشت گرد ایک ایس ایچ او کی مار ہیں، میرا یہ بیان نامکمل چلایا گیا: وزیرداخلہ کا شکریہ

عمران خان کے بچوں کے سیاست میں آنے کی خواہش

نجی ٹی وی چینل دنیا نیوز کے پروگرام میں گفتگو کرتے ہوئے سینیٹر عرفان صدیقی کا کہنا تھا کہ بانی پی ٹی آئی عمران خان اپنے بچوں کو سیاست میں لانا چاہتے ہیں، ان کے بچے ضرور پاکستان آئیں۔ اگر وہ تحریک چلانا چاہتے ہیں تو چلائیں۔

یہ بھی پڑھیں: اداکارہ خوشبو نے ارباز خان سے علیحدگی کی خبروں پر خاموشی توڑ دی

قانون کے دائرے میں کام کرنے کی ضرورت

انہوں نے کہا کہ عمران خان کے بچے اگر قانون کے دائرے میں رہ کر کام کریں تو اعتراض نہیں ہوگا۔ ان کے بچوں کے آنے سے کوئی طوفان نہیں آئے گا، خیبرپختونخوا میں حکومت تبدیل نہیں ہو رہی۔

یہ بھی پڑھیں: ہر گھر میں استعمال ہونے والی وہ گولی جو دل کی ناکامی کا سبب بن سکتی ہے، نئی تحقیق میں تہلکہ خیز انکشاف

آصف زرداری کی حکمرانی کا ذکر

ان کا کہنا تھا کہ آصف زرداری ریاست کے سربراہ کی حیثیت سے اچھے طریقے سے کام کر رہے ہیں۔ انہوں نے حکومت کے لئے مشکلات پیدا نہیں کیں، وہ مدبر شخص ہیں۔ پیپلز پارٹی ہماری اتحادی ہے، ہم کیوں اس نظام کو درہم برہم کرنا چاہیں گے؟

چینی کی قیمتوں پر قابو پانے کی کوششیں

سینیٹر عرفان صدیقی نے مزید کہا کہ چینی کی قیمتوں پر قابو پانے کے لئے باہر سے چینی منگوائی گئی ہے، حکومت عوام کو ریلیف پہنچانے کے لئے اقدامات کر رہی ہے۔