پاکستان اور چین کا فیک نیوز کا پھیلاؤ روکنے کیلئے مشترکہ تعاون کو فروغ دینے پر اتفاق

پاکستان اور چین کا معلوماتی تعاون

بیجنگ (ڈیلی پاکستان آن لائن) پاکستان اور چین نے جعلی خبروں اور غلط معلومات کے پھیلاؤ کے خلاف مشترکہ نشریاتی منصوبوں اور تعاون کو فروغ دینے پر اتفاق کیا ہے۔

یہ بھی پڑھیں: ویڈیو: فارچیونر لینے کے خواہشمند افراد کے لیے سنہری موقع، ٹویوٹا نے بڑی خوشخبری سنادی، لاکھوں روپے کی بچت

ملاقات کی تفصیلات

ڈان نیوز نے ریڈیو پاکستان کی رپورٹ کے حوالے سے بتایا کہ یہ فیصلہ جمعرات کو بیجنگ میں پاکستان کے وفاقی وزیر اطلاعات و نشریات عطا اللہ تارڑ اور چینی کمیونسٹ پارٹی کی مرکزی کمیٹی کے شعبہ تشہیر کی نائب سربراہ، نیشنل ریڈیو و ٹیلی ویژن ایڈمنسٹریشن (این آر ٹی اے) کی وزیر اور پارٹی سیکرٹری کاؤ شومین کے درمیان ملاقات میں ہوا۔

یہ بھی پڑھیں: پاکپتن میں 20 نومولودوں کی اموات کے بعد نصف درجن میٹرنٹی ہومز سیل

جعلی خبروں کے خلاف مشترکہ بیانیہ

دونوں رہنماؤں نے جعلی خبروں کے خلاف مشترکہ بیانیے پر اتفاق کیا اور تکنیکی تربیت اور ادارہ جاتی تعاون کی اہمیت پر زور دیا۔ انہوں نے میڈیا میں جاری شراکت داری کو باہمی اعتماد اور دیرینہ دوستی کا مظہر قرار دیا۔

یہ بھی پڑھیں: سیالکوٹ: تمام تر کوششوں کے باوجود ٹریفک پولیس وائرل چاچا کے سائز کا ہیلمٹ نہ مہیا کر سکی،DSP مبشر قادر کا ہیلمٹ کے لیے خصوصی ٹیم لاہور روانہ کرنے کا اعلان

معلومات کے تبادلے کے معاہدے پر گفتگو

ملاقات میں چین کے سرکاری چینل سی سی ٹی وی اور پاکستان ٹیلی ویژن (پی ٹی وی) کے درمیان معلومات کے تبادلے اور تعاون کو فروغ دینے سے متعلق مجوزہ معاہدے پر بھی تبادلہ خیال ہوا۔

یہ بھی پڑھیں: پی پی ایس سی کا مختلف محکموں کی آسامیوں کے تحریری نتائج کا اعلان

دوطرفہ میڈیا تعاون کی اہمیت

عطا اللہ تارڑ نے کہا کہ پاکستان دوطرفہ میڈیا تعاون کو عملی اقدامات میں تبدیل کرنے کے لیے تیار ہے۔ پی ٹی وی، ریڈیو پاکستان اور ایسوسی ایٹڈ پریس آف پاکستان (اے پی پی) جیسی ریاستی میڈیا تنظیمیں چین کی ترقی، بیلٹ اینڈ روڈ انیشی ایٹو، سی پیک، ثقافتی روابط اور دوطرفہ تعاون کی کہانیوں کو دونوں ممالک کے عوام تک پہنچانے میں اہم کردار ادا کر رہی ہیں۔

یہ بھی پڑھیں: کراچی ایئرپورٹ پر 23 ملین کے ضبط شدہ سامان کی چوری کا انکشاف

فکری و ثقافتی پل کی تعمیر

رپورٹ کے مطابق وزیر اطلاعات نے بتایا کہ پی ٹی وی چینی پروگرامز، ڈاکیومنٹریز اور خبروں کو اردو زبان میں نشر کر کے دونوں ممالک کے درمیان فکری و ثقافتی پل تعمیر کر رہا ہے۔ انہوں نے کہا کہ اے پی پی کی ’چائنا نیوز سروس‘ نے پاکستانی بیانیے کو چینی قارئین تک مؤثر انداز میں پہنچانے میں اہم سنگِ میل عبور کر لیا ہے۔

یہ بھی پڑھیں: پاکستان اور تمام شراکت داروں کا شکریہ، اب ہدف کیا ہونا چاہیے؟

سوشل میڈیا کے ذریعے روابط کی گہرائی

حالیہ پاک-بھارت کشیدگی کا حوالہ دیتے ہوئے وزیر اطلاعات نے کہا کہ چین اور پاکستان کے نوجوانوں نے ایک دوسرے کے ساتھ جس یکجہتی کا اظہار کیا، وہ سوشل میڈیا پر وائرل ہو گیا، جو دونوں ممالک کے درمیان عوامی تعلقات کی گہرائی کو ظاہر کرتا ہے۔

یہ بھی پڑھیں: حکومت پنجاب محفوظ، مضبوط اور ٹیکنالوجی سے لیس شہری ماحول فراہم کرنے کیلیے پرعزم ہے: عظمیٰ بخاری

ڈیجیٹل دور میں نئے امکانات

ملاقات میں پاکستان اور چین کے ڈیجیٹل انفلوئنسرز کے باہمی دوروں پر بھی گفتگو ہوئی۔ عطا اللہ تارڑ نے کہا کہ ڈیجیٹل دور میں سوشل میڈیا نمائندوں اور انفلوئنسرز کے تبادلے دوطرفہ تعلقات میں نئی روح پھونک سکتے ہیں۔

یہ بھی پڑھیں: سی ٹی ڈی لاہور سمیت پنجاب کے مختلف شہروں میں ’’اِن ایکشن ‘‘، دہشتگرد تنظیم کے اہم رکن سمیت 18 گرفتار

چین کے نقطہ نظر

چینی وزیر کاؤ شومین نے کہا کہ چین پاکستان کو ایک قابلِ اعتماد شراکت دار سمجھتا ہے، اور دونوں ممالک کے میڈیا ادارے تجربات کے تبادلے کے ذریعے مزید قریب آ سکتے ہیں۔

یہ بھی پڑھیں: مجھے نہیں معلوم کہ ہماری شادی چلے گی یا نہیں، رجب بٹ کی انسٹا پوسٹ وائرل

ثقافتی روابط کو مزید مضبوط کرنا

فریقین نے اس بات پر اتفاق کیا کہ میڈیا، ثقافت اور عوامی روابط پاکستان اور چین کی دوستی میں نئے پہلو لا سکتے ہیں، اور ان کوششوں کو ایک مشترکہ حکمت عملی کے تحت مزید مضبوط بنایا جائے گا۔

ماضی کی شراکت داری کی یاد دہانی

یاد رہے کہ رواں سال فروری میں پاکستان میں چین کے سفیر جیانگ ژائی ڈونگ نے کہا تھا کہ ’ہم تعلیم، میڈیا، تھنک ٹینکس، نوجوانوں کے تبادلے، فلم اور ٹیلی ویژن کے شعبوں میں پاکستان کے ساتھ تعاون کو وسعت دینے کے لیے تیار ہیں تاکہ تہذیبوں کے مابین سیکھنے کے عمل کو فروغ دیا جا سکے اور ثقافتی و عوامی روابط کو مزید مضبوط بنایا جا سکے‘۔