پشاور: ثمر بلور کے (ن) لیگ کی جانب سے 2 مخصوص خالی نشستوں پر کاغذات نامزدگی جمع

ثمر بلور کی مسلم لیگ (ن) میں شمولیت

پشاور (ڈیلی پاکستان آن لائن) عوامی نیشنل پارٹی (اے این پی) کو چھوڑ کر مسلم لیگ (ن) میں شامل ہونے والی ثمر بلور نے قومی اسمبلی کے لیے خواتین کی 2 مخصوص خالی نشستوں کے لیے مسلم لیگ (ن) کی جانب سے کاغذات نامزدگی جمع کرادیے ہیں۔ سابق رکن صوبائی اسمبلی جمشید مہمند کی اہلیہ نے بھی کاغذات نامزدگی جمع کرادیے۔

یہ بھی پڑھیں: چین کا جوابی وار، امریکی مصنوعات پر 84 فیصد ٹیرف عائد کردیا

ثمر بلور کی میڈیا سے گفتگو

ڈان نیوز کے مطابق، پشاور میں الیکشن کمیشن کے دفتر کے باہر میڈیا سے گفتگو کرتے ہوئے ثمر بلور نے کہا کہ مسلم لیگ (ن) کے ساتھ بہت عرصہ سے بات چیت ہورہی تھی، یہ ایک رات کا فیصلہ نہیں تھا بلکہ ایک سال سے بات چیت چل رہی تھی۔

یہ بھی پڑھیں: بچیوں کی ہلاکت کا معاملہ، “رولنگ پین” کا آفیشل موقف آگیا

شہر کے ترقی کے لیے عزم

انہوں نے مزید کہا کہ وہ اپنے شہر کے لیے کچھ کرنا چاہتی ہیں، جو لوگ پشاور پر مسلط کیے گئے، وہ لوٹ کھسوٹ میں مصروف ہیں۔

یہ بھی پڑھیں: تحریک فساد کو شرم سے ڈوب مرنا چاہیے امریکہ میں فیلڈ مارشل کیخلاف مہم چلائی: عظمٰی بخاری

وزیراعظم سے ملاقات

گزشتہ روز وزیراعظم سے ملاقات کے بعد مسلم لیگ (ن) کا حصہ بننے والی ثمر بلور نے کہا کہ غلام احمد بلور ہمارے خاندان کے سربراہ ہیں۔ غلام احمد بلور نے عملی سیاست سے کنارہ کشی اختیار کی تو اس کے بعد ن لیگ میں شمولیت کا فیصلہ کیا۔

یہ بھی پڑھیں: عاقب بال نے بیز بال کا مقابلہ کر دیا

اے این پی کی قیادت کا احترام

ان کا کہنا تھا کہ اے این پی اور اس کی قیادت میرے لیے قابل احترام ہیں۔ آج ہارون بلور کی برسی ہے، ہم اپنے شہدا کو دل میں لیے پھرتے ہیں۔

آئندہ انتخابات کی تیاری

ثمر بلور نے مزید کہا کہ خیبر پختونخوا حکومت کے نام پر سرکس چل رہا ہے، آئندہ انتخابات میں پشاور کے آبائی حلقے سے ہی (ن) لیگ کے ٹکٹ پر حصہ لوں گی۔