برطانیہ میں پوسٹ آفس کی تاریخ کا سب سے بڑا سکینڈل بے نقاب
ہوراائزن سکینڈل کی تفصیلات
لندن (ڈیلی پاکستان آن لائن) برطانیہ کے پوسٹ آفس کی تاریخ کا بدترین اسکینڈل، جس میں 900 سے زائد بے گناہ ملازمین کو مجرم بنا دیا گیا، آخر کار ایک سرکاری انکوائری کے ذریعے پوری شدت کے ساتھ بے نقاب ہو چکا ہے۔
یہ بھی پڑھیں: 5 اکتوبر احتجاج کیس: حماد اظہر سمیت 2 پی ٹی آئی رہنما اشتہاری قرار
سکینڈل کا پس منظر
نجی ٹی وی ایکسپریس نیوز کے مطابق اس سکینڈل کو ’ہورائزن سکینڈل‘ کا نام دیا گیا ہے، جس کا تعلق پوسٹ آفس کے کمپیوٹر سسٹم میں موجود ایسی سنگین خرابیوں سے ہے جنہوں نے لاکھوں پاؤنڈ کے فرضی مالی خسارے ظاہر کیے۔
یہ بھی پڑھیں: پنجاب حکومت کا اہم فیصلہ، ’’دھی رانی پروگرام‘‘ کا دائرہ کار قیدیوں کی بیٹیوں تک بڑھا دیا گیا
اسمبلی کی خرابی
یہ خرابی جاپانی کمپنی فوجتسو کے بنائے گئے ہورائزن سافٹ ویئر میں تھی، جو 1999 سے برطانیہ بھر میں استعمال ہو رہا تھا۔
یہ بھی پڑھیں: ٹک ٹاکر سمبل ملک کی مبینہ غیر اخلاقی ویڈیو لیک
ملازمین پر اثرات
کئی پوسٹ ماسٹرز نے مالی عدم توازن کی شکایت کی تو بجائے ان کی بات سنی جائے، انہیں مجرم قرار دے کر قید، برطرفی اور ذلت کا نشانہ بنایا گیا۔ 236 افراد کو قید کی سزا سنائی گئی جبکہ متعدد افراد نے خودکشی کی۔
یہ بھی پڑھیں: لاہور ہائیکورٹ کا عدالتی احکامات تسلیم نہ کرنے پر سکولوں کو بند کرنے کا عندیہ
سرکاری انکوائری
2021 میں شروع ہونے والی سرکاری انکوائری نے ثابت کیا کہ پوسٹ آفس اور فوجتسو دونوں کو خرابی کا علم تھا لیکن انہوں نے سچ کو چھپایا اور بے گناہوں پر مقدمات چلائے۔
یہ بھی پڑھیں: ماڑی پور سے گرفتار مبینہ بھارتی جاسوس سے کیا کچھ برآمد ہوا ۔۔؟ جان کر آپ حیران جائیں
معاوضہ اور سزائیں
برطانوی حکومت نے اب تک ایک ارب پاؤنڈ سے زائد کا معاوضہ دینے کا اعلان کیا ہے۔ متعدد متاثرین کی سزائیں کالعدم ہو چکی ہیں جبکہ دیگر مقدمات دوبارہ کھولے جا رہے ہیں۔
یہ بھی پڑھیں: حکومت پی ٹی آئی سے کوئی مذاکرات نہیں کر رہی، سینیٹر عرفان صدیقی نے تصدیق کردی
عوامی دباؤ
اس سکینڈل کی مرکزی شخصیت سمجھی جانے والی سابق سی ای او پولا وینلز پر سخت عوامی دباؤ اور تنقید جاری ہے۔
ٹی وی سیریز کی مقبولیت
اس مسئلے پر بننے والی مشہور ٹی وی سیریز "Mr. Bates vs The Post Office" نے اس معاملے کو بین الاقوامی شہرت دلوائی اور برطانوی حکومت پر مزید فوری انصاف فراہم کرنے کا دباؤ بڑھا دیا۔
