وزیراعلیٰ مریم نواز نے کسان کارڈ پر پراسیسنگ فیس ختم کردی، 100 ارب روپے کے قرض دینے کا فیصلہ، گرین ٹریکٹر سکیم کے لیے درخواستوں کی وصولی شروع کرنے کا حکم۔
وزیراعلیٰ پنجاب مریم نواز کی اہم اجلاس
لاہور (ڈیلی پاکستان آن لائن) وزیراعلیٰ پنجاب مریم نواز نے محکمہ زراعت کے پراجیکٹس کے فیز ٹو کے آغاز کی اصولی منظوری دے دی۔ کاشتکاروں کو فیز ٹو میں 628000 کسان کارڈ کے ذریعے 100 ارب روپے کے قرض دیئے جائیں گے۔
یہ بھی پڑھیں: جیٹ فیول کی قیمت میں بڑا اضافہ، ایئر ٹکٹ 100 فیصد مہنگے ہوگئے
کسان کارڈ فیز ٹو کی تفصیلات
وزیراعلیٰ مریم نواز کی زیر صدارت محکمہ زراعت سے متعلق خصوصی اجلاس ہوا جس میں سی ایم سپیشل پراجیکٹس فیز ٹو کی منظوری دی گئی۔ پوٹھو ہار میں ایگریکلچر ٹرانسفارمیشن پروگرام کے تحت 500 منی ڈیم اور 250 آبی ذخائر کے پراجیکٹس کا جائزہ لیا گیا۔ کسان کارڈ فیز ٹو کے تحت 100 ارب روپے کے بلا سود لون دینے پر اتفاق کیا گیا۔
یہ بھی پڑھیں: سروسز چیف کی مدت بڑھانے کے معاملے پر مولانا فضل الرحمان اور تحریک انصاف نے ایک مرتبہ پھر بڑا فیصلہ کر لیا
زرعی امداد اور سبسڈی پالیسیاں
وزیراعلیٰ مریم نواز نے گندم کے کاشتکار کو امدادی نرخ پر زرعی مداخل کی فراہمی کیلئے پلان طلب کیا۔ انہوں نے کہا کہ گندم کے کاشتکار کو تنہا نہیں چھوڑیں گے اور فصل کی کاشت سے پہلے نیا پراجیکٹ فراہم کریں گے۔ اجلاس میں گندم کی ان پٹ لاگت کم کرنے کے لیے ایڈوانس سبسڈی کی تجاویز پر غور کیا گیا۔
یہ بھی پڑھیں: اسلام آباد کے نجی ہوٹل سے 23 سالہ لڑکی کی لاش برآمد، تہلکہ خیز انکشاف
کسان کارڈ کی فیس میں کمی
وزیراعلیٰ مریم نواز کی ہدایت پر کسان کارڈ فیز ٹو میں ایک ہزار روپے کی پروسیسنگ فیس ختم کردی گئی۔ کسان کارڈ فیز ٹو کے لیے 4200 زرعی سپلائرز کی رجسٹریشن مکمل کر لی گئی جبکہ فیز ون میں کاشتکاروں سے 99 فیصد لون کی وصولی کا ہدف پورا کیا گیا۔
یہ بھی پڑھیں: جسٹس منصور کو 16 کروڑ اور جسٹس اطہر من اللّٰہ کو 15 کروڑ پنشن کی مد میں مل گئے۔
گرین ٹریکٹر پروگرام
گرین ٹریکٹر پروگرام فیز ٹو کے تحت 20 ہزار ٹریکٹر سبسڈی پر فراہم کیے جائیں گے، جس میں مختلف ہارس پاور کی تعیناتی کے مطابق حکومتی سبسڈی کا اعلان کیا گیا۔ اگست میں گرین ٹریکٹر سکیم کے لیے درخواستوں کی وصولی شروع ہوگی۔
یہ بھی پڑھیں: میرے 600 مہمانوں کو کھانا کھلاؤ ورنہ شادی کینسل
ایگری انٹرن شپ پروگرام
اجلاس میں بتایا گیا کہ پنجاب میں ایگری انٹرن شپ پروگرام کے تحت ایک ہزار زرعی گریجویٹس نے 20 لاکھ کاشتکاروں کی معاونت کی۔ فیز ٹو کے تحت 2 ہزار ایگری انٹرن کی ستمبر میں ٹریننگ اور اکتوبر میں فیلڈ سروس شروع ہوگی۔
یہ بھی پڑھیں: جنگ کے دوران ملکی اداروں کے خلاف ہرزہ سرائی پر ایک شخص گرفتار، پیکا ایکٹ کے تحت مقدمہ درج
ٹیوب ویل سولرائزیشن کی صورتحال
سی ایم سولرائزیشن آف ایگری کلچر ٹیوب ویل کے تحت 7988 درخواستیں موصول ہوئی ہیں۔ فیزیکل تصدیق میں 500 درخواستیں جعلسازی ثابت ہونے پر مسترد کر دی گئیں۔ 7670 ایگری ٹیوب ویلز کی سولرائزیشن اور 652 ٹیوب ویلز کی سولرائزیشن مکمل کر لی گئی۔
یہ بھی پڑھیں: بار بار قرضہ لینے سے معیشت کمزور پڑ جاتی ہے، ریاض میں فیوچر انویسٹمنٹ انیشییٹو سیشن میں شہباز شریف کا خطاب
ہائی ٹیک زرعی مشینری
اجلاس میں کاشتکاروں کو سبسڈی پر ہائی ٹیک مشینری فراہم کرنے کے پراجیکٹ کا جائزہ لیا گیا۔ پنجاب میں 9 ہزار ہائی ٹیک مشینری مہیا کی جائیں گی۔ چین کے تعاون سے زرعی مشینری تیار کرنے کے اقدامات کا آغاز کیا گیا۔
کنزرویشن پراجیکٹس کی منظوری
وزیراعلیٰ مریم نواز نے کاشتکاری کے لیے پانی کی بچت کے منصوبے کی اصولی منظوری دے دی۔ پانی اور زمین کے نمونوں کی ٹیسٹنگ کے لیے موبائل لیبارٹریز کے پراجیکٹ بھی شروع کیے گئے ہیں۔
