نجی ایئر لائن کی غفلت، لاہور سے کراچی جانے والے مسافر کو جدہ پہنچا دیا

مسافر کی غلط پرواز

لاہور(ڈیلی پاکستان آن لائن) نجی ایئرلائن کی غفلت، لاہور سے کراچی جانے والے مسافر کو جدہ پہنچا دیا۔

یہ بھی پڑھیں: بیٹوں کی گرفتاری پر علیمہ خان کا دو ٹوک بیان۔۔۔کہتی ہیں جتنا مرضی دباؤ ڈال لیں، ڈرنے والوں میں سے نہیں ہیں

ایئرپورٹ اتھارٹی کا نوٹس

نجی ٹی وی چینل دنیا نیوز کے مطابق پاکستان ایئرپورٹ اتھارٹی نے کراچی جانے والے مسافر کے جدہ پہنچنے کا نوٹس لے لیا۔ لاہور ایئرپورٹ منیجر نے نجی ایئرلائن کو واقعہ کا ذمہ دار ٹھہرا دیا۔ ایئرپورٹ منیجر نے کہا کہ کراچی کے مسافر کا جدہ پہنچ جانا مذکورہ ایئرلائن کی غفلت اور لاپروائی ہے۔

یہ بھی پڑھیں: فلپائن: سمندری طوفان ٹرامی سے تباہی، 40 افراد ہلاک، ہزاروں بے گھر

کارروائی کی درخواست

ایئرپورٹ منیجر نے اتھارٹی کو نجی ایئرلائن کے خلاف کارروائی کی درخواست دے دی۔ مسافر نے گفتگو کرتے ہوئے بتایا کہ ڈومیسٹک ایئرلائن کی جگہ 2 طیارے لگے ہوئے تھے، طیارے میں سوار ہونے کے بعد ایئرہوسٹس کو ٹکٹ بھی دکھائی تھی۔

یہ بھی پڑھیں: کیا ٹرمپ کی جیت عمران خان کی رہائی کا سبب بنے گی؟ پی ٹی آئی کا جواب آگیا

مسافر کی شکایت

متاثرہ مسافر نے کہا کہ ایئرہوسٹس کا فرض تھا کہ وہ بتاتیں کہ وہ غلط طیارے میں آگیا ہیں۔ میرے پاس پاسپورٹ اور ویزا بھی نہیں تھا۔ 2 گھنٹے بعد میں نے کہا کہ فلائٹ اب تک کراچی کیوں نہیں پہنچی؟ میری بات سن کر پورا عملہ پریشان ہوگیا اور کہا آپ کی غلطی ہے۔

عملے کی جانب سے الزام

مسافر نے مزید کہا کہ عملے کو شکایت کی تو مجھے ہی غلطی کا ذمہ دار ٹھہرا دیا گیا۔ میں نے کہا کراچی پہنچائیں تو کہا کہ دو تین دن لگیں گے۔ مجھے کہا گیا کہ ایف آئی اے انکوائری کرے گی۔