باپ کے جنازے میں شرکت کے لیے جانے والے 2 بھائی بھی بلوچستان میں دہشتگردی کا نشانہ بن گئے

دہشتگردی کا ایک اور واقعہ

لورالائی(ڈیلی پاکستان آن لائن) بلوچستان کے علاقے لورالائی میں باپ کے جنازے میں شرکت لودھراں جانے والے دو بھائی بھی دہشتگردی کا نشانہ بن گئے۔

یہ بھی پڑھیں: مقبوضہ کشمیر میں اماموں اور مذہبی شخصیات کا ذاتی ڈیٹا اکٹھا کرنا منظم ہراسانی ہے: دفتر خارجہ

امن دشمنوں کا حملہ

نجی ٹی وی چینل دنیا نیوز کے مطابق بلوچستان میں ایک بار پھر امن دشمنوں نے وارکردیا، سرہ ڈاکئی میں فتنہ الہندوستان کے دہشتگردوں نے پنجاب سے تعلق رکھنے والے 9 افراد کو بسوں سے اتار کر شہید کردیا۔

یہ بھی پڑھیں: سیکیورٹی فورسز کا آپریشن، فتنہ الخوارج کے 47 دہشتگرد جہنم واصل، دہشتگردوں کا تعلق کس ملک سے تھا، لاشیں کیسے اور کب اٹھائی گئیں؟ اہم تفصیلات سامنے آ گئیں

شہداء کی شناخت

لورالائی میں قتل کئے گئے مسافروں کا تعلق لاہور، گجرات، خانیوال، گوجرانوالہ، لودھراں، ڈی جی خان، چوک قریشی مظفر گڑھ سے تھا۔

بھائیوں کا اندوہناک واقعہ

ان 9 مسافروں میں 2 بھائی جابراور عثمان بھی شامل ہیں جو اپنے والد کے جنازے میں شرکت کیلئے لودھراں جا رہے تھے۔ جاں بحق افراد کی میتیں آبائی علاقوں کو روانہ کردی گئیں۔