بشریٰ بی بی کی کڑی نگرانی، سختیاں کس کے کہنے پر مزید بڑھا دی گئی ہیں؟ بیرسٹر سیف نے نام بتا دیا

بشریٰ بی بی کی جیل میں نگرانی

پشاور (ڈیلی پاکستان آن لائن) جیل میں بشریٰ بی بی کی کڑی نگرانی کی جا رہی ہے، سختیاں مزید بڑھا کر ذہنی اذیت دی جارہی ہے۔ مشیر اطلاعات خیبرپختونخوا بیرسٹر محمد علی سیف نے کھل کر اس صورتحال پر بات کی۔

یہ بھی پڑھیں: امریکا کی ریسرچ لیب سے درجنوں بندر بھاگ نکلے

مریم نواز کے اقدامات پر تنقید

''جنگ'' کے مطابق اپنے ایک بیان میں بیرسٹر محمد علی سیف نے کہا کہ مریم نواز ذاتی بغض میں انسانی حقوق کی سنگین خلاف ورزیاں کر رہی ہیں۔ ان کا کہنا تھا کہ وہ اتنا ہی ظلم کریں جتنا وہ کل خود بھی برداشت کرسکیں۔ بانی پی ٹی آئی اور بشریٰ بی بی کو عام قیدیوں جیسی سہولیات سے بھی محروم رکھا جا رہا ہے، کیونکہ مریم نواز کو بشریٰ بی بی سمیت تمام پی ٹی آئی خواتین سے ذاتی عناد ہے۔ تمام تر ظلم اور بربریت کے باوجود پی ٹی آئی کی خواتین رہنما ڈٹ کر کھڑی ہیں۔

یہ بھی پڑھیں: فضائی حدود کی بندش، پی آئی اے کی ملائیشیا جانے والی پرواز نے کونسا راستہ استعمال کیا؟ جانیے

آنے والے چیلنجز

بیرسٹر سیف کا مزید کہنا تھا کہ مریم نواز کی ہدایات پر بشریٰ بی بی کی کڑی نگرانی کی جا رہی ہے اور ان پر سختیاں مزید بڑھا کر ذہنی اذیت دی جارہی ہے۔ بشریٰ بی بی کو بانی پی ٹی آئی سے وفاداری کی سزا دی جا رہی ہے۔

یاسمین راشد کی حالت

یاسمین راشد قید میں کینسر جیسے موذی مرض سے نبرد آزما ہیں لیکن اس کے باوجود انہیں آکسیجن جیسی بنیادی سہولت بھی میسر نہیں۔