سپریم کورٹ نے ڈبل ٹیکسشین ٹریٹی نظر ثانی کیس کی سماعت کے لیے 3 رکنی بینچ تشکیل دیا

سپریم کورٹ کا ڈبل ٹیکسشین ٹریٹی نظر ثانی کیس

اسلام آباد(ڈیلی پاکستان آن لائن)سپریم کورٹ نے ڈبل ٹیکسشین ٹریٹی نظر ثانی کیس کی سماعت کے لیے 3 رکنی بینچ تشکیل دے دیا، چیف جسٹس قاضی فائز عیسی کی سربراہی میں 3 رکنی بینچ 21 اکتوبر کو کیس کی سماعت کرے گا۔

یہ بھی پڑھیں: چیمپئنز ٹرافی، پاک بھارت میچ نہ ہونے پر آئی سی سی اور بھارتی بورڈ کو کتنا مالی نقصان ہو گا؟ حیران کن انکشاف

بینچ کی تشکیل اور اراکین

نجی ٹی وی چینل آج نیوز کے مطابق سپریم کورٹ نے ڈبل ٹیکسیشن ٹریٹی نظر ثانی کیس کے لیے 3 رکنی بینچ تشکیل دے دیا، چیف جسٹس قاضی فائز عیسی بینچ کی سربراہی کریں گے جبکہ جسٹس منصور علی شاہ، جسٹس نعیم اختر افغان بینچ میں شامل ہوں گے۔سپریم کورٹ کا 3 رکنی بینچ اب 21 اکتوبر کو نظرِ ثانی کیس کی سماعت کرے گا۔

یہ بھی پڑھیں: خواتین اور بچوں پر تشدد کرنیوالوں سے نرمی نہیں برتی جائے گی: گھریلو تشدد کی شکار 13سالہ بچی سے چیئرپرسن ویمن پروٹیکشن اتھارٹی کی ملاقات

سماعت کے دوران مکالمہ

نظر ثانی کیس کی سماعت کے دوران وکیل سعد ہاشمی نے چیف جسٹس پاکستان قاضی فائز عیسیٰ سے مکالمہ کرتے ہوئے کہا کہ آپ نے ڈبل ٹیکسیشن کیس کا فیصلہ تحریر کیا تھا جبکہ سابق چیف جسٹس عمر عطا بندیال نے آپ کے فیصلے سے اتفاق کیا، جسٹس منصور علی شاہ نے اختلافی فیصلہ دیا تھا لہذا نظر ثانی بینچ میں اختلافی فیصلہ لکھنے والے جسٹس منصور علی شاہ کو بھی شامل کیا جائے۔

یہ بھی پڑھیں: ارشَد ندیم نے ایشین ایتھلیٹکس چمپئن شپ کا گولڈ میڈل افواج پاکستان کے نام کردیا

چیف جسٹس کا فیصلہ

چیف جسٹس قاضی فائز عیسی نے کہا کہ جسٹس منصور علی شاہ کو بینچ میں شامل کرلیتے ہیں، نظرِ ثانی کے تیسرے جج جسٹس نعیم اختر افغان ہوں گے۔

آج کی سماعت کی تفصیلات

واضح رہے کہ سپریم کورٹ میں آج ڈبل ٹیکسیشن نظر ثانی کیس کی سماعت مقرر تھی جبکہ وکیل سعد ہاشمی نے جسٹس منصور کو شامل کرکے نیا بینچ تشکیل دینے کی استدعا کی تھی۔