ایران کے پاس ضروری دفاعی صلاحیتیں موجود ہیں، محمد مہدی ایمانی پور

ایران کی دفاعی صلاحیتیں

لاہور  (ڈیلی پاکستان آن لائن)  ایران کی کونسل برائے بین المذاہب مکالمہ کے چیئرمین محمد مہدی ایمانی پور نے واضح کیا ہے کہ ایران کے پاس اپنے دفاع کے لیے ضروری صلاحیتیں موجود ہیں۔ ایرانی حکومت گزشتہ دنوں اس غاصب حکومت کی جارحیت کا بھرپور جواب دینے پر مجبور ہوئی ہے، لیکن ایرانی حکومت اس راستے کو عالمی امن کے مفاد میں اور خدا کی خوشنودی کا راستہ نہیں سمجھتی۔

یہ بھی پڑھیں: اگر امریکہ میں فونز تیار نہیں کیے تو 25 فیصد ٹیرف کا سامنا کرنا پڑے گا، ڈونلڈ ٹرمپ نے ایپل کمپنی کو سخت پیغام دے دیا

ایرانی رہبر کا ہدایت

ان کا کہنا تھا کہ رہبر انقلاب نے بڑے پیمانے پر تباہی کے امکان کے پیش نظر ہمارے ملک کے ایٹمی حکام کو ایٹمی ہتھیار بنانے سے منع کیا ہے اور ایران نے مذہبی اور انسانی معیارات کے دائرے میں رہتے ہوئے اپنی خیر سگالی کا مظاہرہ کیا ہے۔

یہ بھی پڑھیں: کانگو میں بچوں میں پراسرار بیماری پھیلنے لگی، ڈبلیو ایچ او بھی پریشان، ماہرین بھیج دیے

دنیا بھر کے مذہبی حکام کی ذمہ داری

محمد مہدی ایمانی پور نے کہا کہ بدامنی کے حالات میں دنیا بھر کے مذہبی حکام اور مفکرین جو بین الاقوامی امن و سلامتی کے بارے میں فکر مند ہیں، ان سے توقع کی جاتی ہے کہ وہ اس مجرمانہ جارحیت کی فوری مذمت کریں اور اس خطرناک مہم جوئی کا مقابلہ کرنے کے لیے فوری اور اجتماعی اقدام کریں، جس نے بلاشبہ عالمی امن و سلامتی کو ایک بے مثال خطرے سے دوچار کر دیا ہے۔

یہ بھی پڑھیں: اسلام آباد ہائیکورٹ کی ڈی ایس پی لیگل کو شیرافضل مروت کیخلاف سیل ایف آئی آر کی نقول جمع کرانے کی ہدایت

اسرائیلی جارحیت پر تبصرہ

تہران سے ڈائریکٹر جنرل خانہ فرہنگ اسلامی جمہوری ایران لاہور ڈاکٹر اصغر مسعودی سے گفتگو کرتے ہوئے انہوں نے کہا کہ دنیا نے اسرائیلی غاصب حکومت کے ایران کی جغرافیائی سالمیت اور قومی خودمختاری کو پامال کرنے کا مشاہدہ کیا ہے۔ غاصب ناجائز ریاست نے رہائشی علاقوں، ایٹمی سائنسدانوں اور اعلیٰ فوجی اہلکاروں کے گھروں، معصوم بچوں اور عورتوں پر حملے اور وحشیانہ قتل عام کیا ہے۔ اسرائیل کا یہ جرم نہ صرف اقوام متحدہ کے چارٹر کی شقوں کی خلاف ورزی ہے، بلکہ واضح جارحیت بھی ہے۔

بین الاقوامی اداروں کی ناکامی

انہوں نے کہا کہ یہ ایک بار پھر بین الاقوامی اداروں کی ناکامی اور نا اہلی کو ظاہر کرتی ہے کہ جو میڈیا کا ماحول بنا کر خود کو زیادتی اور قتل کرنے کا حق دیتے ہیں۔ اسرائیلی حکومت کی طرف سے ایٹمی تنصیبات پر ڈھٹائی سے حملہ کوئی ایسا مسئلہ نہیں ہے جس پر خاموشی اختیار کی جائے۔ اسرائیل کی یہ مہم جوئی خطے میں جنگ کو ہوا دے گی اور مومنین کا یہ سنجیدہ فریضہ ہے کہ وہ اس تباہی سے نمٹنے کے لیے فوری اقدامات کریں۔