بھارتی مسافر طیارے کو پیش آنے والے حادثے کی ابتدائی تحقیقاتی رپورٹ جاری

احمد آباد میں طیارے کا حادثہ

ممبئی (ڈیلی پاکستان آن لائن) بھارتی شہر احمد آباد میں مسافر بردار طیارے کو پیش آنے والے حادثے کی ابتدائی رپورٹ جاری کردی گئی۔

یہ بھی پڑھیں: 190 ملین پاؤنڈ کیس؛ نیب نے بانی اور بشریٰ بی بی کی سزا معطلی درخواستیں ناقابل سماعت قرار دینے کی متفرق درخواست دائر کردی۔

حادثے کی وجوہات

بھارت کے ائیر کرافٹ ایکسیڈنٹ انویسٹی گیشن بیورو کی ابتدائی رپورٹ کے مطابق، حادثہ دونوں انجنوں کو ایندھن سپلائی بند ہونے کے باعث پیش آیا۔

یہ بھی پڑھیں: ابھی کال کریں اور اپنے گھر پر مفت پودے لگوائیں، حکومت پنجاب کی انتہائی شاندار پیشکش

ایندھن کی بندش کا واقعہ

رپورٹ میں بتایا گیا ہے کہ ایندھن کنٹرول کرنے والے دونوں سوئچز ایک سیکنڈ کے فرق سے یکے بعد دیگرے "CUTOFF" پوزیشن میں چلے گئے تھے۔ ایندھن کی سپلائی منقطع ہونے سے انجن بند ہوا اور جہاز نیچے آنے لگا۔

یہ بھی پڑھیں: بجٹ کی تیاریاں، چھوٹی گاڑیوں پر سیلز ٹیکس میں اضافے کی تجویز پر حکومت نے فیصلہ سنا دیا

کاک پٹ مکالمہ

رپورٹ کے مطابق کاک پٹ ریکارڈنگ میں ایک پائلٹ کو دوسرے سے پوچھتے سنا گیا کہ اس نے "کٹ" کیوں کیا؟ تو دوسرے پائلٹ نے جواب دیا کہ اس نے ایسا نہیں کیا، تاہم رپورٹ میں سوئچ "CUTOFF" ہونے کی بھی کوئی وجہ نہیں بتائی گئی۔

یہ بھی پڑھیں: بجٹ میں 14 ہزار 200 ارب روپے کا ٹیکس ہدف مقرر، آئی ایم ایف کو آگاہ کردیا گیا

تحقیقات کا دورانیہ

رپورٹ میں بوئنگ اور انجن بنانے والے اداروں کے خلاف کوئی کارروائی تجویز نہیں کی گئی، تاہم کہا گیا ہے کہ مکمل تحقیقات میں ایک سال سے زائد عرصہ لگ سکتا ہے۔

ماضی کا سانحہ

واضح رہے کہ رواں برس جون میں بھارتی شہر احمد آباد میں ائیر انڈیا کا مسافر طیارہ گر کر تباہ ہوگیا تھا۔ حادثے میں 260 افراد ہلاک ہوگئے تھے، حادثے کا شکار طیارے میں گجرات کے سابق وزیراعلیٰ روپانی بھی سوار تھے۔