یہودی آبادکاروں کے حملے میں امریکی نژاد سمیت 2 فلسطینی شہری جاں بحق

یہودی آبادکاروں کا فلسطینیوں پر حملہ

رام اللہ (ڈیلی پاکستان آن لائن) مغربی کنارے کے علاقے رام اللہ میں یہودی آبادکاروں نے فلسطینیوں پر حملہ کرکے بہیمانہ تشدد کا نشانہ بنایا۔

یہ بھی پڑھیں: بہت سوچ بچار کے بعد فیصلہ کیا کہ اخلاص و محبت کے رشتے کا گلا گھونٹ دیا جائے، اْسے خط کا جواب نہ دیا جائے، ہم اندھیرے میں ہی رہیں

واقعے کی تفصیلات

نجی ٹی وی ایکسپریس نیوز نے عرب میڈیا کے حوالے سے بتایاکہ فلسطینی اتھارٹی کی وزارت صحت نے بتایا کہ یہودی آبادکاروں کی اس دہشت گردی کا واقعہ مغربی کنارے کے قصبے سنجل میں پیش آیا۔

یہ بھی پڑھیں: انڈس بیسن میں تیل و گیس کے وسیع ذخائر۔۔پاکستان خطے میں توانائی برآمد کرنیوالا ملک بھی بن سکتا ہے، حقائق جانیے

جانی نقصان

یہودی آبادکاروں نے فلسطینی علاقے میں دھاوا بول دیا جس میں دو نوجوان جاں بحق اور 10 سے زائد زخمی ہوگئے۔ جاں بحق ہونے والوں میں یہودی امریکی شہریت رکھنے والے فلسطینی نوجوان 23 سالہ سیف الدین کامل عبد الکریم مسلّت اور 23 سالہ محمد شلابی بھی شامل ہیں۔

یہ بھی پڑھیں: پنڈی ٹیسٹ: افریقی ٹیم 404 رنز پر آؤٹ، پاکستان کے خلاف 71 رنز کی برتری

تشدد کے مناظر

دونوں نوجوانوں کو تشدد کے بعد گولیاں مار کر شہید کیا گیا اور فلسطینیوں کی املاک کو بھی آگ لگا دی گئی۔ اسرائیلی فوج کا کہنا ہے کہ پہلے ان فلسطینیوں نے اسرائیلیوں پر پتھراؤ کیا تھا جس سے دو افراد معمولی زخمی ہوئے تھے۔

یہ بھی پڑھیں: بیانیہ بہادر لوگوں کا بنتا ہے اور سرمایہ داروں کے خلاف جہاد پنجاب نے کرنا ہے، ندیم افضل چن

اسرائیلی فوج کا موقف

اسرائیلی فوج کا مزید کہنا ہے کہ اس کے بعد دونوں گروہوں میں "پرتشدد جھڑپ" شروع ہوئی جس میں فلسطینی املاک کو نقصان پہنچا۔ ترجمان اسرائیلی فوج نے کہا کہ ابھی تک کسی کی گرفتاری عمل میں نہیں لائی گئی۔

یہ بھی پڑھیں: وزیراعلیٰ پنجاب سے فن لینڈ کے سفیر ہانو ریپاتی کی ملاقات، اعلیٰ سطح روابط بڑھانے پر اتفاق

امریکی محکمہ خارجہ کا بیان

امریکی محکمہ خارجہ نے تصدیق کی ہے کہ مغربی کنارے میں ایک امریکی شہری کی ہلاکت کی اطلاع ملی ہے۔

یہ بھی پڑھیں: ڈیرہ غازی خان، سکول وین اور ٹرک میں تصادم، پرنسپل اور 3 خواتین اساتذہ جاں بحق

احتجاج کا پس منظر

دوسری جانب فلسطین اتھارٹی نے بتایا کہ یہ واقعہ اس وقت پیش آیا جب مظاہرین ایک نئی غیر قانونی یہودی بستی کی آبادکاری کے خلاف احتجاج کر رہے تھے۔ سوشل میڈیا پر وائرل ہونے والی ویڈیوز میں دیکھا جا سکتا ہے کہ لاٹھی بردار نقاب پوش آبادکار گاڑیوں میں آ کر حملے کر رہے ہیں۔

یہ بھی پڑھیں: اب تک ہم ایلینز کیوں نہیں ڈھونڈ سکے؟ سائنسدانوں نے ممکنہ جواب تلاش کرلیا

ایمبولینس پر حملہ

یہودی آبادکاروں نے فلسطین اتھارٹی کی ایک ایمبولینس کی کھڑکیاں بھی توڑ دیں جو زخمیوں کو لینے آئی تھی۔

یہ بھی پڑھیں: ملک کو چیلنجز درپیش، بطور قوم حسینی کردار کی ضرورت ہے: صدر مملکت

پچھلے واقعات

یاد رہے کہ گزشتہ ہفتے بھی سنجل میں فلسطینیوں اور آبادکاروں کے درمیان جھڑپیں ہوئیں، جب فلسطینی آبادکاروں کے زراعتی زمینوں پر حملے کے خلاف احتجاج کرنے والے تھے۔ 7 اکتوبر 2023 کو حماس کے اسرائیل پر حملے کے بعد سے مغربی کنارے میں کشیدگی میں اضافہ ہوا ہے۔

گرفتاریاں اور اموات

اس دوران اسرائیلی فوج نے 6 ہزار سے زائد فلسطینیوں کو گرفتار کیا ہے جن میں سے 2 ہزار 350 کا تعلق حماس سے بتایا گیا ہے۔ فلسطینی وزارت صحت کے مطابق تب سے اب تک 950 سے زائد فلسطینی مغربی کنارے میں مارے جا چکے ہیں۔ اسرائیل کا کہنا ہے کہ بیشتر عسکریت پسند تھے۔ اسی دوران 53 اسرائیلی اور سیکیورٹی اہلکار مختلف حملوں میں جاں بحق ہوئے ہیں.