اپنی ہی محنت کے پیسے فقیر کی طرح مانگنے پڑتے ہیں، سینئر اداکار محمد احمد

سید محمد احمد کا شوبز انڈسٹری میں معاوضوں کی ادائیگیوں پر انکشاف

کراچی (ڈیلی پاکستان آن لائن) سینئر اداکار سید محمد احمد نے شوبز انڈسٹری میں معاوضوں کی تاخیر سے ادائیگیوں کا انکشاف کردیا۔ کہتے ہیں پروڈکشن ہاؤسز ہر پراجیکٹ میں کوشش کرتے ہیں کہ اداکار ان سے فقیر کی طرح پیسے مانگے۔

یہ بھی پڑھیں: قائداعظم ٹرافی کا 26 اکتوبر سے آغاز ہوگا، ٹورنامنٹ میں سولہ ریجنز کی اٹھارہ ٹیمیں حصہ لیں گی

اداکار کا ویڈیو پیغام

سوشل میڈیا ایپ انسٹا گرام کے پیج Niche life style پر اداکار کا ایک ویڈیو پیغام جاری ہوا ہے جس میں انہوں نے پروڈکشن ہاؤسز کے معاوضوں سے متعلق پول کھول دیئے۔

یہ بھی پڑھیں: سندھ ہائیکورٹ کا 26 ویں آئینی ترمیم کیخلاف درخواست پر سماعت سے انکار

معاوضوں کی تاخیر اور اداکار کی حالت

اداکار کا کہنا ہے کہ سوائے ایک آدھ پروڈکشن ہاؤس کے، میں نے کبھی نہیں دیکھا کہ آپ کو وقت پر معاوضے کی ادائیگی کر دی جائے۔ معاوضہ 3 سے 4 مہینے تاخیر ہو جانا بہت عام سی بات ہے، اور وہ بھی اس صورت میں ملتے ہیں جب آپ کو ان کے آگے ہاتھ جوڑنے پڑیں، فقیروں کی طرح انہیں بتائیں کہ آپ کے کیا حالات ہیں۔ تب کہیں جا کر وہ آپ کو ایک عدد چیک دے کر ایسے احساس دلاتے ہیں، جیسے انہوں نے آپ پر بہت بڑا احسان کر دیا ہو۔

اداکار کا اظہار خیالات

سینئر اداکار سید محمد احمد نے مزید کہا کہ پروڈکشن ہاؤسز کی کوشش ہوتی ہے کہ ہر پروجیکٹ میں معاوضے کو لے کر اداکار کی عزت نفس کو مجروح کیا جائے۔ مجھے خوش ہے کہ میں کھل کر اس ایشو پر بات کر رہا ہوں، کیونکہ اس سے پہلے معاوضوں پر بات کرنا معیوب سمجھا جاتا تھا۔ اب وقت کی سب سے بڑی ضرورت پیسہ ہے، جس کے لئے آواز اُٹھانا ضروری ہوگیا ہے۔