ریاستی ادارے حکومتیں گرانے اور چلانے کا کردار ادا کر رہے ہیں: علی امین گنڈاپور

وزیراعلیٰ خیبرپختونخوا کی پریس کانفرنس

لاہور(ڈیلی پاکستان آن لائن) وزیراعلیٰ خیبرپختونخوا علی امین گنڈا پور نے کہا ہے کہ سیاست کرنا ریاستی اداروں کا کام نہیں، ریاستی ادارے حکومتیں گرانے اور چلانے کا کردار ادا کر رہے ہیں۔

یہ بھی پڑھیں: ہمیں بھارت سے ایسا کوئی خطرہ نہیں کہ جس کا مقابلہ نہ کرسکتے ہوں: شاہد خاقان عباسی

90 دن کی نئی تحریک

نجی ٹی وی چینل دنیا نیوز کے مطابق لاہور میں پریس کانفرنس کرتے ہوئے علی امین گنڈا پور نے کہا کہ بانی تبدیلی کے لیے ہمیشہ 90 دن کا کہا کرتے تھے، آج سے وہ 90 دن شروع ہوگئے ہیں، بانی کی رہائی کے لیے تحریک شروع کی جا رہی ہے۔ پورے پاکستان میں ہر گلی، کوچے، قصبے اور شہر سے لوگوں کو اکٹھا کریں گے اور پھر فیصلہ کریں گے کہ ہم نے مقامی سطح پر احتجاج کرنا ہے یا ایک جگہ جمع ہونا ہے۔

یہ بھی پڑھیں: پی ٹی آئی کو احتجاجی تحریک سے کچھ حاصل نہیں ہوگا، رانا ثنا اللہ

قوم کا شعور اور ظالم حالات

ان کا کہنا تھا کہ آج قوم میں شعور آگیا ہے، 8 فروری کو ثابت ہوا کہ قوم جاگ گئی ہے۔ بانی پی ٹی آئی کے کیسز میں کچھ نہیں ہے اور ان کے کیسز نہیں چلائے جا رہے کیونکہ ان میں کچھ ہے ہی نہیں۔ دنیا کی سیاسی تاریخ میں اتنا ظلم و جبر نہیں ہوا جتنا پی ٹی آئی کے ساتھ ہوا ہے۔

یہ بھی پڑھیں: شمالی وزیرستان میں گاڑی پر فائرنگ، 4 افراد جاں بحق

مواصلات کی اہمیت

انہوں نے مزید کہا کہ میں خود ایک فوجی کا بیٹا اور بھائی ہوں، ہمیں اپنے ادارے خود ٹھیک کرنے ہیں۔ آئیں مل کر بیٹھیں اپنی غلطی کو مانیں اور سب ٹھیک کریں۔ بانی پی ٹی آئی نے کہا ہے کہ پاکستان کی خاطر مذاکرات کرنے کے لیے تیار ہوں۔

یہ بھی پڑھیں: سابق امیر جماعت اسلامی جنوبی پنجاب راؤ محمد ظفر انتقال کر گئے

سیاسی جماعتوں کا احتساب

علی امین نے کہا کہ یہ سیاسی پارٹیاں دوسروں کے کندھوں پر بیٹھ کر آئی ہیں، عوام ان سیاسی پارٹیوں کو مسترد کر چکے ہیں۔ یہ سیاسی پارٹیاں عوام میں نکل کر تو دیکھیں، اس ملک کا قانون سب کے لیے برابر ہونا چاہئے، آپ کو جوابدہ ہونا پڑے گا۔

یہ بھی پڑھیں: چین کے اعتراضات مسترد، امریکا نے تائیوان کو اسلحہ فروخت کرنے کی منظوری دے دی

خود احتسابی کی ضرورت

کے پی کے وزیراعلیٰ نے کہا کہ بانی پی ٹی آئی کے وقت دہشت گردی کیوں نہیں تھی؟ پی ڈی ایم ون اور ٹو کے حالات بدتر ہوگئے، مجھ پر 26 نومبر کی 56 ایف آئی آرز درج ہوئی ہیں۔ اگر آپ مجھے ملک سے غداری ثابت کر سکتے ہیں تو چوک پر لٹکا دیں۔

یہ بھی پڑھیں: لاہور قلندرز کا برطانیہ میں ٹیلنٹ ہنٹ اور کاؤنٹی کلبز کے ساتھ تبادلہ پروگرام کا اعلان

سیاسی سوچ کا تغییر

انہوں نے کہا کہ اپنی ذات اور انا سے نکلیں اور قوم کے لیے سوچیں۔ بانی نے پہلے بھی کہا آئیں بیٹھیں، میرٹ اور دلائل پر بات کریں۔ ہماری گزارش کو کمزوری نہ سمجھا جائے، بانی نے ہمیں سکھایا کہ سیاست کے لیے نہیں بلکہ جنریشن کے لیے کام کرنا ہے۔