سابق انگلش کپتان کا بیان: پاکستان کی ٹیم اس وقت اپنی کم ترین سطح پر ہے

ناصر حسین کا بیان

لندن (ڈیلی پاکستان آن لائن) انگلینڈ کرکٹ ٹیم کے سابق کپتان اور کمنٹیٹر ناصر حسین نے کہا ہے کہ پاکستان ٹیم کی کارکردگی میں ہمیشہ سے تسلسل دکھائی نہیں دیتا لیکن اس وقت تو اپنی کم ترین سطح پر ہے۔

یہ بھی پڑھیں: دو بچوں نے 1959 سے بوتل میں موجود ’محبت نامہ‘ ساحل پر سیر کے دوران دریافت کرلیا۔

پاکستان کی موجودہ حالت

ایک بیان میں ناصر حسین نے کہا کہ پاکستان ٹیم موجودہ دور میں اچھا پرفارم نہیں کر رہی، لیکن یہ کہنا حماقت ہوگی کہ انگلینڈ پاکستان کو ٹیسٹ سیریز میں آسانی سے ہرا دے گا۔

یہ بھی پڑھیں: عدنان سمیع کی والدہ کا انتقال، کل پاکستان آمد کی توقع

پاکستان کا کرکٹ جنون

انگلش ٹیم کے سابق کپتان نے مزید کہا کہ پاکستان بہترین کرکٹ نیشن ہے، وہاں کرکٹ کا جنون ہے، فینز بھی ٹیم کو ہمیشہ اوپر دیکھنا چاہتے ہیں۔ انہوں نے یہ بھی کہا کہ پاکستانی ٹیم کے نئے کپتان اور نئے کوچ ہیں، سب کی نظریں پاکستان پر ہوں گی کہ وہ کس طرح اپنی ٹیم کو اٹھاتے ہیں۔

یہ بھی پڑھیں: ڈاکٹر زاہد منیر عامر کا اعزاز

تاریخی سیریز کا جائزہ

ناصر حسین کا کہنا تھا کہ آخری بار جب انگلینڈ نے پاکستان کا دورہ کیا تو کراچی ٹیسٹ میں انگلینڈ پوری طرح حاوی تھی۔ اس وقت تک بہت کم ٹیمیں ایسی تھیں، جو پاکستان جائیں اور اس طرح کامیابی حاصل کریں۔

یہ بھی پڑھیں: سری لنکا کے خلاف سیریز سے قبل قومی ٹیم کے کپتان سلمان علی آغا کا بیان سامنے آگیا

پاکستان کی حالیہ کارکردگی

ان کا کہنا تھا کہ اس وقت کے بعد سے اب تک پاکستان نے اپنے ملک میں 9 ٹیسٹ کھیلے ہیں، صرف 2 جیت سکی ہے اور 5 ٹیسٹ ہار چکی ہے۔ انگلش ٹیم کے سابق کپتان نے کہا کہ پاکستان ٹیم کی کارکردگی میں ہمیشہ سے تسلسل دکھائی نہیں دیتا، لیکن اس وقت تو اپنی کم ترین سطح پر ہے، چاہے آپ کسی بھی فارمیٹ کی بات کریں۔ نہ ان کا ورلڈ کپ اچھا گزرا۔

کپتان اور کوچ کی نئی جوڑی

انہوں نے کہا کہ اب کپتان شان مسعود اور کوچ جیسن گلیسپی کی کامبی نیشن ہے۔ ان کے اسٹار بیٹر بابر اعظم گزشتہ 8 ٹیسٹ میچوں سے نصف سنچری بھی نہ بناسکے، جنہوں نے حال ہی میں وائٹ بال کی کپتانی بھی چھوڑ دی۔ لیکن یہ کہنا حماقت ہوگی کہ آپ پاکستان کو ان کے ملک میں آسانی سے شکست دے دیں گے۔