حکمرانوں کے عوام کو مفت بجلی فراہم کرنے کے دعوے کہاں گئے۔۔؟امیر جماعت اسلامی حافظ نعیم الرحمان نے ویڈیو کلپس شیئر کر دیئے

حافظ نعیم الرحمان کا سوال

لاہور( ڈیلی پاکستان آن لائن ) امیر جماعت اسلامی حافظ نعیم الرحمان نے حکمرانوں کو قومی انتخابات کے دوران گھریلو صارفین کو مفت بجلی اور سستا پٹرول فراہم کرنے کے بلندو بانگ دعوے اور وعدے یاد دلاتے ہوئے سوال کیا ہے کہ اقتدار میں ڈیڑھ برس گزارنے کے باوجود عوام سے کیے گئے ان وعدوں کا کیا بنا؟

یہ بھی پڑھیں: خواتین اور بچوں پر تشدد کرنیوالوں سے نرمی نہیں برتی جائے گی: گھریلو تشدد کی شکار 13سالہ بچی سے چیئرپرسن ویمن پروٹیکشن اتھارٹی کی ملاقات

مہنگائی کا رونا

ان کے مفت بجلی کے دعوے اور وعدے؟ آج مہنگی ترین بجلی نے معیشت کا پہیہ جام اور عوام کا جینا محال کردیا ہے۔ فائدہ میں صرف حکمران اور ان کی شوگرمل مافیا رہا۔ عوام، کسان اور صنعت کار سب خسارے میں ہیں۔ pic.twitter.com/e6nkDwCYDh

— Naeem ur Rehman (@NaeemRehmanEngr) July 12, 2025

یہ بھی پڑھیں: عالمی بینک نے پاکستان میں 2 منصوبوں کے لیے 194 ملین ڈالر کی منظوری دیدی

انتخابی مہم کے وعدے

امیر جماعت اسلامی نے سماجی رابطوں کی ویب سائٹ’’ ایکس‘‘ پر مسلم لیگ (ن) ، پیپلز پارٹی اور دیگر حکومتی جماعتوں کے رہنماؤں کی انتخابی مہم کے دوران 300 یونٹ تک مفت بجلی کرنے کی ویڈیو جاری کی ہے۔ ویڈیو میں پی پی چیئرمین بلاول بھٹو زرداری ، ان کی بہن آصفہ بھٹو زرداری ، وزیراعلیٰ پنجاب مریم نواز عوام سے ووٹ دینے کی اپیل کرتے ہوئے وعدے کررہے ہیں کہ وہ اقتدار میں آکر بالترتیب 300 اور 200 یونٹس تک بجلی مفت کردیں گے، اسی طرح وفاقی وزیر علیم خان بھی جلسہ گاہ میں مفت بجلی فراہم کرنے اور پیٹرول کی قیمت آدھی کرنے کے دعوے کرتے سنے جاسکتے ہیں۔

عوام کی مشکلات

حافظ نعیم الرحمان نے ’’ایک ایکس‘‘ پر اظہار خیال کرتے ہوئے کہا کہ ان کے مفت بجلی کے دعوے اور وعدے کہاں گئے۔ آج مہنگی ترین بجلی نے معیشت کا پہیہ جام اور عوام کا جینا محال کردیا ہے۔ فائدہ میں صرف حکمران اور ان کی شوگرمل مافیا رہی۔ حکمران طبقہ کے علاوہ عوام، کسان اور صنعت کار سب خسارے میں ہیں۔