وزیرخارجہ اسحٰق ڈار کا ازبکستان کے ہم منصب سے ٹیلی فونک رابطہ، ریلوے پروجیکٹ پر تبادلہ خیال

ٹیلی فونک رابطہ

اسلام آباد (ڈیلی پاکستان آن لائن) وزیر خارجہ اسحٰق ڈار کا ازبکستان کے ہم منصب سے ٹیلی فونک رابطہ، ریلوے پروجیکٹ فریم ورک پر تبادلہ خیال کیا گیا۔

یہ بھی پڑھیں: ملائیشیا میں دفاعی نمائش، چینی لڑاکا طیارہ جے 10CE دنیا کی توجہ کا مرکز بن گیا

پروجیکٹ کی صورتحال

ڈان نیوز کے مطابق، ترجمان دفتر خارجہ کے حوالے سے بتایا گیا ہے کہ وزیر خارجہ اسحٰق ڈار کا ازبکستان کے وزیر خارجہ بختیار سعیدوف سے ٹیلفونک رابطہ ہوا۔ فریقین نے پاکستان، افغانستان، ازبکستان ریلوے پروجیکٹ فریم ورک کی صورتحال پر تبادلہ خیال کیا۔

یہ بھی پڑھیں: مریضوں کو مفت ادویات دیں نہیں تو گھر بھیج دیں گے، کارکردگی نہ دکھانے والے میڈیکل سپرنٹنڈنٹس کیلیے خطرے کی گھنٹی بج گئی

ملاقات پر اتفاق

ترجمان دفتر خارجہ کے مطابق دونوں وزرائے خارجہ نے چین میں شنگھائی تعاون تنظیم (ایس سی او) کونسل اجلاس کے دوران سائڈ لائن ملاقات پر اتفاق کیا۔

یہ بھی پڑھیں: 80 گھنٹوں میں 3 میٹنگز: اپنا سپاہی چھڑانے کے لیے بھارتی فوج منت سماجت پر اتر آئی

اجلاس کی تفصیلات

واضح رہے کہ چینی وزارت خارجہ کے مطابق شنگھائی تعاون تنظیم کے رکن ممالک کے وزرائے خارجہ کی کونسل کا اجلاس 15 جولائی کو چین کے شہر تیانجن میں منعقد ہوگا۔ کمیونسٹ پارٹی آف چائنا (سی پی سی) کی مرکزی کمیٹی کے پولیٹیکل بیورو کے رکن اور وزیر خارجہ وانگ ای کی دعوت پر دیگر رکن ممالک کے وزرائے خارجہ اور ایس سی او کے مستقل اداروں کے سربراہان اس اجلاس میں شرکت کریں گے۔

تبادلہ خیال کے موضوعات

اجلاس میں شرکاء ایس سی او کے مختلف شعبوں میں تعاون اور اہم بین الاقوامی و علاقائی امور پر تبادلہ خیال کریں گے۔ اجلاس میں شرکت کے علاوہ بھارت کے وزیر خارجہ سبرامنیم جے شنکر چین کا دورہ بھی کریں گے۔