وزیر داخلہ محسن نقوی سرکاری دورے پر ایران پہنچ گئے

وفاقی وزیر داخلہ کا ایران کا دورہ

تہران (ڈیلی پاکستان آن لائن) وفاقی وزیر داخلہ محسن نقوی سرکاری دورے پر ایران کے دارالحکومت تہران پہنچ گئے۔ اتوار کو وزیر داخلہ محسن نقوی ایرانی دارالحکومت تہران پہنچے جہاں امام خمینی انٹرنیشنل ایئرپورٹ پر ان کا استقبال ایرانی ہم منصب اسکندر مومنی نے کیا۔

یہ بھی پڑھیں: بانی پی ٹی آئی کو گزشتہ دو ہفتوں سے قید تنہائی میں رکھا ہوا ہے، بیرسٹر سیف کا دعویٰ

ایرانی وزیر داخلہ کا گرمجوشی سے استقبال

ایرانی میڈیا کے مطابق، ایرانی وزیر داخلہ نے محسن نقوی کو "اپنے بھائی" کے طور پر خوش آمدید کہتے ہوئے گرمجوشی سے استقبال کیا۔

یہ بھی پڑھیں: اسرائیلی حملوں سے مسلم امہ کے جذبات مجروح ہوئے: انجینئرامیر مقام

ملاقات اور باہمی امور پر گفتگو

محسن نقوی کی ایرانی وزیر داخلہ اسکندر مومنی سے ملاقات بھی ہوئی، جس میں باہمی دلچسپی کے امور اور پاک، ایران تعلقات پر گفتگو کی گئی۔

سہ ملکی کانفرنس اور دیگر ملاقاتیں

اپنے دورے کے دوران، محسن نقوی تہران میں منعقدہ سہ ملکی کانفرنس میں شرکت کریں گے جہاں زائرین اور سرحدی امور پر تبادلہ خیال کیا جائے گا۔ وفاقی وزیر داخلہ ایران کے صدر مسعود پزشکیان سے بھی ملاقات کریں گے۔