ماہا حسن کا بچپن میں ہراساں کیے جانے کا انکشاف

ماہا حسن کی ہراسانی کا تجربہ

لاہور(ڈیلی پاکستان آن لائن) ابھرتی ہوئی اداکارہ ماہا حسن نے انکشاف کیا ہے کہ وہ بچپن میں ہراسانی کا شکار ہوئیں، جس کے اثرات نے ان کی شخصیت، سوچ اور ایمان کو گہرا متاثر کیا۔

یہ بھی پڑھیں: لاہور پولیس پیچھے پیچھے ہے 9 مئی کا ماسٹر مائنڈ آگے آگے ہے: عظمیٰ بخاری

انٹرویو میں تفصیلات

ڈان نیوز کے مطابق حال ہی میں ماہا حسن نے یوٹیوب پروگرام ’سمتھنگ ہاٹ‘ کو انٹرویو دیا، جہاں انہوں نے کم عمری میں پیش آنے والے ہراسانی کے تجربے پر تفصیل سے بات کی۔

یہ بھی پڑھیں: صاحب، میں نے آپ کے کہنے پر شاہد لُنڈ کو مار دیا ہے!

بچپن کا واقعہ

اداکارہ نے بتایا کہ بچپن میں وہ ایک ایسے شخص کا نشانہ بنیں، جس نے ان کی کم سنی اور نادانی کا فائدہ اٹھاتے ہوئے انہیں نامناسب طریقے سے چھوا۔

یہ بھی پڑھیں: والد کے انتقال کا سن کر بھی لوگوں کو ہنساتا رہا، شکیل صدیقی نے اپنی زندگی کے سب سے مشکل لمحے سے پردہ اٹھا دیا۔

مشکل لمحات

ماہا حسن کے بقول انہیں اس وقت صحیح معنوں میں سمجھ ہی نہیں تھی کہ ان کے ساتھ کیا غلط ہو رہا ہے، اسی لیے وہ بار بار اُس شخص کو ’تھراپی کروا لو‘ کہتی رہیں، حالانکہ انہیں اُس سے فاصلہ اختیار کرکے فوراً قانونی کارروائی کرنی چاہیے تھی۔

یہ بھی پڑھیں: 9 مئی مقدمات کے ملزمان کی ضمانت منسوخی کا کیس؛ وکیل لطیف کھوسہ نے 4 ماہ میں ٹرائل مکمل کرنے کے حکم پر اعتراض اٹھا دیا

غلط فہمیاں

اداکارہ کا کہنا تھا کہ ہم اکثر سمجھتے ہیں کہ اگر کسی کو سمجھایا جائے تو وہ سدھر جائے گا، مگر یہ ہماری غلط فہمی ہوتی ہے، جو لوگ ایسے اعمال کرتے ہیں، وہ موقع ملتے ہی ایسی حرکتیں کرتے ہیں۔

یہ بھی پڑھیں: مودی کو جب بھی سیاسی دباؤ آتا ایسا ڈرامہ کرتا ہے: رانا تنویر حسین

ذہنی سکون کی تلاش

انہوں نے انکشاف کیا کہ اس واقعے نے نہ صرف ان کی ذہنی کیفیت کو جھنجھوڑ کر رکھ دیا تھا بلکہ ان کے ایمان اور اقدار کو بھی متزلزل کر دیا تھا۔

یہ بھی پڑھیں: خلیجی خطے میں ’’جاسوس نیٹ ورک‘‘ کا انکشاف، ایران، پاکستان اور دیگر ممالک کے خلاف بھی حساس معلومات اکٹھی کی جا سکتی ہیں: تہلکہ خیز رپورٹ

وقت کا اثر

اداکارہ نے بتایا کہ ایک طویل عرصے تک وہ اپنے مذہب، اپنی ذات اور اپنے وجود پر سوال اٹھاتی رہیں، تاہم تھراپی اور وقت کے ساتھ ساتھ وہ بتدریج سنبھلیں اور دوبارہ اپنے ایمان اور روحانی سکون کی طرف لوٹ آئیں۔

یہ بھی پڑھیں: 50 سال پرانی 1975 مارک II، جو آج بھی نئی جیسی

مضبوط ایمان

ان کا کہنا تھا کہ اب انہیں نماز اور دین میں حقیقی سکون ملتا ہے اور ان کا ایمان پہلے سے کہیں زیادہ مضبوط ہوگیا ہے۔

یہ بھی پڑھیں: او آئی سی مسلم ممالک سائنس اینڈ ٹیکنالوجی کے فروغ کے لیے کوشاں تاکہ دنیا کا بھرپور مقابلہ کیا جاسکے: آفتاب کھوکھر

شوبز انڈسٹری میں ہراسانی

شوبز انڈسٹری کی صورتِ حال پر بات کرتے ہوئے ماہا حسن نے اعتراف کیا کہ یہاں بھی ہراسانی کے واقعات موجود ہیں۔

والدین کے لئے پیغام

انہوں نے زور دے کر کہا کہ ایسے رویوں کے خلاف سخت اقدامات، مؤثر نگرانی اور ذمہ داروں کا بلا تفریق احتساب ناگزیر ہے۔ آخر میں انہوں نے والدین کو مشورہ دیتے ہوئے کہا کہ اپنے بچوں کے معاملے میں کسی پر اندھا اعتماد نہ کریں، بیٹا ہو یا بیٹی، جس کے ساتھ بھی وہ وقت گزارتے ہیں اُن پر عقاب کی نگاہ رکھیں، کیونکہ اعتماد کا غلط استعمال کسی بھی وقت ممکن ہے۔