لاہور میں چینی کی قیمتوں میں اضافہ، مختلف علاقوں میں نرخ الگ الگ

لاہور میں چینی کے بڑھتے نرخ

لاہور (ڈیلی پاکستان آن لائن) لاہور میں چینی کی قیمتیں عوام کی پہنچ سے باہر ہو رہی ہیں۔ مختلف علاقوں میں چینی 190 سے 200 روپے فی کلو تک فروخت کی جا رہی ہے، جس سے شہری شدید پریشان ہیں۔

یہ بھی پڑھیں: ڈیجیٹل یوتھ ہب – نوجوانوں کے لیے ایک اور انقلابی قدم!

قیمتوں میں فرق

نجی ٹی وی چینل آج نیوز کے مطابق شہر کے بیشتر علاقوں میں چینی کی قیمتوں میں واضح فرق دیکھنے میں آ رہا ہے۔ کہیں چینی 190 روپے فی کلو تو کہیں 200 روپے فی کلو تک جا پہنچی ہے۔ صارفین کا کہنا ہے کہ حکومتی کنٹرول نہ ہونے کے باعث دکاندار من مانی قیمتوں پر چینی فروخت کر رہے ہیں۔

یہ بھی پڑھیں: چوہدری پرویز الہیٰ کا پی ٹی آئی کو احتجاج کے بجائے مفاہمت اور مذاکرات کا مشورہ

شہریوں کا مطالبہ

شہریوں نے ضلعی انتظامیہ سے مطالبہ کیا ہے کہ فوری طور پر نرخ نامے جاری کیے جائیں اور پرائس کنٹرول کمیٹیاں متحرک کی جائیں تاکہ مصنوعی مہنگائی کو روکا جا سکے۔

ضلعی انتظامیہ کا موقف

دوسری جانب ضلعی انتظامیہ کا کہنا ہے کہ گرانفروشی کے خلاف کارروائی کی جا رہی ہے اور قیمتوں کو کنٹرول میں لانے کے لیے اقدامات جاری ہیں، تاہم زمینی حقائق اس کے برعکس دکھائی دے رہے ہیں۔