نوجوان پر تشدد کے کیس میں، ملزم سلمان فاروقی کے خلاف مقدمہ ختم

پولیس نے نوجوان پر تشدد کے کیس میں کارروائی ختم کر دی

کراچی (ڈیلی پاکستان آن لائن) پولیس نے نوجوان پر تشدد کے کیس میں نامزد ملزم سلمان فاروقی کے خلاف مقدمہ ختم کر دیا۔

یہ بھی پڑھیں: بانی پی ٹی آئی کیخلاف غداری کی کارروائی کیلئے دائر درخواست واپس لینے کی بنا پر نمٹا دی گئی

عدالت میں سماعت

نجی ٹی وی جیو نیوز کے مطابق کراچی کے جوڈیشل مجسٹریٹ جنوبی کی عدالت میں ڈیفنس میں نوجوان پر تشدد سے متعلق مقدمے کی سماعت ہوئی، جس دوران پولیس نے عدالت کو آگاہ کیا کہ ملزم سلمان فاروقی کے خلاف کارروائی ختم کر دی گئی ہے۔

یہ بھی پڑھیں: مقبوضہ کشمیر میں پرتشدد مظاہرے، 4 افراد ہلاک، متعدد زخمی، بی جے پی کے دفتر کو آگ لگا دی گئی

متاثرہ نوجوان کا بیان

گزری تھانے کی پولیس نے مقدمہ ختم کرنے کی رپورٹ عدالت میں جمع کراتے ہوئے بتایا کہ متاثرہ نوجوان دھیرج عرف دھن راج نے ملزمان کے خلاف مزید کارروائی نہ کرنے کا فیصلہ کیا ہے، اور بیان حلفی میں لکھا ہے کہ ملزمان نے نہ تو اس سے اور نہ ہی اس کی بہن سے کوئی بدتمیزی کی۔

یہ بھی پڑھیں: بھارت نے آخر کار امریکہ کے آگے گھٹنے ٹیک دیے

پولیس رپورٹ میں تفصیلات

پولیس رپورٹ میں مزید کہا گیا ہے کہ مدعی کے حلفیہ بیان کی بنیاد پر جان سے مارنے کی دھمکی اور دیگر الزامات بھی ختم کر دیے گئے ہیں۔

یہ بھی پڑھیں: تعاقبی آپریشنز جاری، مزید نقصانات کی اطلاعات، بلوچستان میں جہنم واصل کیے جانے والے دہشتگردوں کی تعداد 108 ہو چکی ہے: سیکیورٹی ذرائع

عدالت کی کارروائی

عدالت نے پولیس رپورٹ کو ریکارڈ کا حصہ بناتے ہوئے سماعت ملتوی کر دی۔

تشدد کے واقعے کی تفصیلات

یاد رہے کہ ڈیفنس خیابان اتحاد میں موٹرسائیکل سوار نوجوان کو اُس کی بہنوں کے سامنے تشدد کا نشانہ بنانے کے الزام میں سلمان فاروقی کو گرفتار کیا گیا تھا۔ سوشل میڈیا پر وائرل ہونے والی ویڈیو میں دیکھا گیا تھا کہ مبینہ طور پر معمولی ٹکر کے واقعے پر کار سوار سلمان فاروقی نے نوجوان کو سڑک پر روک کر مارا پیٹا، حالانکہ اُس کی بہنیں منتیں کرتی رہیں۔ واقعہ منظر عام پر آنے کے بعد پولیس نے سلمان فاروقی اور اویس ہاشمی کے خلاف مقدمہ درج کیا تھا۔