نوجوان پر تشدد کے کیس میں، ملزم سلمان فاروقی کے خلاف مقدمہ ختم

پولیس نے نوجوان پر تشدد کے کیس میں کارروائی ختم کر دی

کراچی (ڈیلی پاکستان آن لائن) پولیس نے نوجوان پر تشدد کے کیس میں نامزد ملزم سلمان فاروقی کے خلاف مقدمہ ختم کر دیا۔

یہ بھی پڑھیں: کم عمر لڑکیوں کی جنسی ٹریفکنگ بے نقاب اور برطانوی شہزادے کے خلاف زیادتی کا کیس کرنے والی خاتون نے خودکشی کر لی

عدالت میں سماعت

نجی ٹی وی جیو نیوز کے مطابق کراچی کے جوڈیشل مجسٹریٹ جنوبی کی عدالت میں ڈیفنس میں نوجوان پر تشدد سے متعلق مقدمے کی سماعت ہوئی، جس دوران پولیس نے عدالت کو آگاہ کیا کہ ملزم سلمان فاروقی کے خلاف کارروائی ختم کر دی گئی ہے۔

یہ بھی پڑھیں: 28 مئی 1998ء سے شروع ہونے والا سفر دنیا کو 10 مئی 2025ء کو سمجھ آیا: وزیر تعلیم پنجاب

متاثرہ نوجوان کا بیان

گزری تھانے کی پولیس نے مقدمہ ختم کرنے کی رپورٹ عدالت میں جمع کراتے ہوئے بتایا کہ متاثرہ نوجوان دھیرج عرف دھن راج نے ملزمان کے خلاف مزید کارروائی نہ کرنے کا فیصلہ کیا ہے، اور بیان حلفی میں لکھا ہے کہ ملزمان نے نہ تو اس سے اور نہ ہی اس کی بہن سے کوئی بدتمیزی کی۔

یہ بھی پڑھیں: قومی طاقت میں مسلسل اضافہ کر رہے ہیں، دشمن یہ سمجھے کہ پاکستان کمزور ہے یا جواب نہیں دیگا، تو وہ سخت غلطی پر ہے: فیلڈ مارشل سید عاصم منیر

پولیس رپورٹ میں تفصیلات

پولیس رپورٹ میں مزید کہا گیا ہے کہ مدعی کے حلفیہ بیان کی بنیاد پر جان سے مارنے کی دھمکی اور دیگر الزامات بھی ختم کر دیے گئے ہیں۔

یہ بھی پڑھیں: ملک کے مختلف علاقوں میں تیز ہوائوں اور گرج چمک کے ساتھ بارش کا امکان

عدالت کی کارروائی

عدالت نے پولیس رپورٹ کو ریکارڈ کا حصہ بناتے ہوئے سماعت ملتوی کر دی۔

تشدد کے واقعے کی تفصیلات

یاد رہے کہ ڈیفنس خیابان اتحاد میں موٹرسائیکل سوار نوجوان کو اُس کی بہنوں کے سامنے تشدد کا نشانہ بنانے کے الزام میں سلمان فاروقی کو گرفتار کیا گیا تھا۔ سوشل میڈیا پر وائرل ہونے والی ویڈیو میں دیکھا گیا تھا کہ مبینہ طور پر معمولی ٹکر کے واقعے پر کار سوار سلمان فاروقی نے نوجوان کو سڑک پر روک کر مارا پیٹا، حالانکہ اُس کی بہنیں منتیں کرتی رہیں۔ واقعہ منظر عام پر آنے کے بعد پولیس نے سلمان فاروقی اور اویس ہاشمی کے خلاف مقدمہ درج کیا تھا۔