سیاحتی سیزن کے پہلے 2 ماہ میں سوات میں کتنے حادثات ہوئے ۔۔؟ اہم تفصیلات جانیے

سوات میں سیاحتی سیزن کے ابتدائی حادثات

سوات (عبیداللہ عابد سے) موجودہ سیاحتی سیزن کے پہلے 2 ماہ کے اندر سوات میں ہونے والے حادثات کے حوالے سے اہم تفصیلات سامنے آئی ہیں۔ ممکنہ وجوہات میں گنجائش سے زیادہ مسافروں کی موجودگی، پہاڑوں کا سفر، دریاؤں اور ندی نالوں میں بارش سے طغیانی کا واقعہ، اور سیلاب سے ناواقفیت شامل ہیں۔

یہ بھی پڑھیں: یکم محرم الحرام کو عام تعطیل کا اعلان

مئی کے مہینے میں حادثات

تفصیلات کے مطابق مئی کے مہینے میں 3 حادثات پیش آئے۔ پہلے حادثے میں لوئر کوہستان میں ایک گاڑی گہری کھائی میں گر گئی، جس کے نتیجے میں راولپنڈی کی ایک فیملی کے 8 افراد جاں بحق ہوئے۔ دوسرے حادثے میں گلگت بلتستان میں گجرات کے 4 دوست اپنی گاڑی سمیت لاپتہ ہوئے، جن کی لاشیں اور گاڑی تقریباً 10 دن کی تلاش کے بعد جگلوٹ سکردو روڈ پر ایک گہری کھائی میں دریا کے بغل میں ملیں۔ اس حادثے کی ممکنہ وجوہات میں تھکاوٹ، نیند اور رات کو پہاڑی پر طویل ڈرائیو شامل ہیں۔

یہ بھی پڑھیں: ہمیں وہ دوست بننا ہے جو آگ کے 100 امتحانوں سے گزر کر فولاد جیسے بنے ہوں، شی جن پنگ اور پیوٹن کا امریکہ کے خلاف ساتھ کھڑے ہونے کا اعلان

تیسرا حادثہ

مئی کے مہینے میں ہی تیسرا حادثہ مارتونگ وادی (بونیر) میں پیش آیا، جس میں لاہور کی ایک فیملی کی ماں اپنے جوان بیٹوں سمیت گاڑی گہری کھائی میں گرنے سے جاں بحق ہو گئی۔ اس حادثے کی ممکنہ وجہ پہاڑی علاقوں میں ڈرائیونگ سے ناواقفیت تھی۔

یہ بھی پڑھیں: روس کا یوکرینی دارالحکومت پر میزائلوں اور ڈرونز سے حملہ، 9 افراد ہلاک

جون میں حادثات

جون کے مہینے میں پیش آنے والا پہلا حادثہ لاہور سے ایک فیملی کا تھا، جس میں باپ، بیٹا اور کزن ناران بٹہ کنڈی سوہنی آبشار کے گلشئیر کے نیچے تصویریں بنانے کے دوران اچانک گلشئیر گرنے سے ہلاک ہو گئے۔

دوسرے حادثے میں کالام، اتروڑ شاہی باغ میں کشتی الٹنے کی وجہ سے ایک ہی خاندان کے 10 افراد ڈوب گئے، جن میں 5 کو بچایا گیا جبکہ 5 (2 خواتین اور 3 بچے) کو نہیں بچایا جا سکا۔ اس حادثے کی ممکنہ وجہ کشتی کا انجن فیل ہونا تھا۔ لائف جیکٹ کسی نے بھی نہیں پہنی تھی اور کشتی پانی کے تیز بہاؤ میں آ گئی۔

یہ بھی پڑھیں: لاہور میں شوہر نے دوسری بیوی کو گولیاں مار کر قتل کر دیا، پریشان کن انکشاف

مزید حادثات

جون میں جو تیسرا حادثہ رونما ہوا، اس میں کاغان میں ایک گاڑی گہری کھائی میں جاگری، جس میں میاں بیوی جاں بحق ہو گئے جبکہ چھوٹا بچہ معجزانہ طور پر محفوظ رہا۔ اس حادثے کی ممکنہ وجہ رات کی ڈرائیو، تھکاوٹ، نیند اور راستے سے ناواقفیت تھی۔

گذشتہ ماہ چوتھے حادثے میں مینگورہ دریائے سوات کے سیلابی ریلے میں 16 افراد بہہ گئے، جن میں سے 10 افراد کا تعلق ایک ہی خاندان سے تھا۔ 3 افراد کو زندہ بچا لیا گیا۔ اس حادثے کی ممکنہ وجہ غیر مقامی لوگوں کا دریا میں آنے والے سیلابی ریلے کا اندازہ نہ کر پانا اور کسی پیشگی وارننگ سسٹم کا نہ ہونا تھی۔

گزشتہ سیاحتی سیزن کا ذکر

واضح رہے کہ گذشہ سیاحتی سیزن میں صرف نیلم ویلی میں لگ بھگ 6 حادثات ہوئے تھے، جن میں مسافر وینز دریا میں جا گری تھیں اور درجنوں لوگ اپنی جانوں سے ہاتھ دھو بیٹھے تھے۔