سائٹ صنعتی ایریا کے صنعتکاروں نے کراچی چیمبر کی ہڑتال کی حمایت کردی۔

سائٹ ایسوسی ایشن کی سخت مخالفت

کراچی(ڈیلی پاکستان آن لائن) سائٹ ایسوسی ایشن آف انڈسٹری کراچی کے صدر احمد عظیم علوی نے فنانس بل میں متعارف کرائے گئے سیکشن 37اے اور 37 بی جیسے کالے قانون کو تسلیم کرنے سے انکار کردیا ہے اور واضح طور پر حکومت کو یہ پیغام دیا ہے کہ صنعتکار برادری کسی صورت بھی ایسے قوانین کو برداشت نہیں کرے گی۔

یہ بھی پڑھیں: جھکنا، بک جانا یا ڈرنا کبھی نہیں سیکھا۔ 10 سال سزا عمران خان سے وفاداری کی وجہ سے دی گئی، زرتاج گل

ایف بی آر کے مہلک اختیارات

انہوں نے مذکورہ قوانین جس کے تحت ایف بی آر افسران کو یہ اختیارات دیے گئے ہیں کہ وہ ایماندار ٹیکس دہنگان کو صرف شک کی بنیاد پر گرفتار کر سکتا ہے حتیٰ کہ ایف آئی آر بھی کٹوا سکتا ہے جو کہ انتہائی قابل مذمت اقدام ہے۔

یہ بھی پڑھیں: پنجاب کے بجٹ میں فضائی آلودگی کا خاتمہ اور صفائی، حکومت کی بڑی ترجیحات، لوگ اس بارے میں کیا کہتے ہیں؟ دیکھیے

ہڑتال کی کال

احمد عظیم علوی نے سائٹ ایریا کے تمام صنعتکاروں کی مضبوط آواز بلند کرتے ہوئے کراچی چیمبر سمیت ملک کے تمام چیمبرز کی جانب سے 19جولائی کو ہڑتال کی کال کی بھرپور حمایت کا اعلان کیا۔ انہوں نے کہا کہ اگر حکومت نے کالے قوانین واپس نہ لیے تو 19جولائی کو کراچی کے سب سے بڑے صنعتی زون سائٹ کی صنعتوں کو تالے لگا دیں گے اور پیداواری سرگرمیاں بند ہونے کی صورت میں حکومت پر تمام تر ذمہ داری عائد ہوگی۔

یہ بھی پڑھیں: خیبرپختونخوا؛سینیٹ کا ضمنی الیکشن، مشال یوسفزئی 86ووٹ لے کر سینیٹر منتخب

کاروباری بڑھوتری کی راہ میں رکاوٹیں

صدر سائٹ ایسوسی ایشن کا مزید کہنا تھا کہ دنیا بھرمیں کاروبار کرنے اور صنعتوں کو فروغ دینے کے لیے آسانیاں پیدا کی جاتی ہیں مگر ہمارے ملک پاکستان میں صورتحال بالکل برعکس ہے۔ انہوں نے سوال کیا کہ کون لوگ ہیں جو ایسے قانون بنا رہے ہیں جو پاکستان کو پیچھے کی طرف لے جانا چاہتے ہیں؟

یہ بھی پڑھیں: تاریخی شکست پر بھارتی سیاست میں بھونچال، کانگریس کے مودی سرکار اور بھارتی فوج پر تابڑ توڑ حملے، ’’جنگی سوچ‘‘ کو ناکام قرار دیدیا

نئے مسائل کا سامنا

احمد عظیم علوی نے مزید کہا کہ ابھی ہم سیکشن 37اے اور 37 بی کے مسئلے سے نہیں نمٹ پائے تھے کہ ای فائلنگ اور ای بلٹی جیسے نئے مسائل کھڑے کردیے گئے۔ انہوں نے حکومت سے سوال کیا کہ وہ چاہتی کیا ہے؟ ہمیں اگر معاشی طاقت بننا ہے تو ہوش سے کام لینا ہوگا۔

وزیراعظم سے اپیل

احمد عظیم علوی نے وزیراعظم شہباز شریف سے گذارش کی کہ وہ اس سارے قوانین کو ختم کریں اور جن لوگوں نے یہ قانون بنائے ہیں اُن کو کٹہرے میں لائیں۔ انہوں نے یہ درخواست بھی کی کہ ایف بی آر کی قانون سازی میں پاکستان کے سارے چیمبرز کے صدور کو شامل کیا جائے تاکہ زمینی حقائق کو مدنظر رکھتے ہوئے قانون سازی کی جاسکے۔