90 دن کی بات وزیر اعلیٰ خیبر پختونخوا علی امین گنڈا پور کی اپنی بات ہے اور پارٹی کا فیصلہ نہیں ، سلمان اکرم راجا
سلمان اکرم راجا کا بیان
لاہور(ڈیلی پاکستان آن لائن)پاکستان تحریک انصاف (پی ٹی آئی) کے سیکرٹری جنرل سلمان اکرم راجا نے کہا ہے کہ احتجاجی تحریک کے حوالے سے 90 روز کی بات وزیر اعلیٰ خیبر پختونخوا علی امین گنڈا پور کی اپنی بات ہے اور پارٹی کا فیصلہ نہیں ہے۔
یہ بھی پڑھیں: اسلام آباد ہائیکورٹ نے دامنِ کوہ سے ریڑھی بانوں کو بے دخل کرنے سے روک دیا
علی امین گنڈا پور کی 90 دن کی بات
نجی نیوز چینل کے پروگرام میں سلمان اکرم راجا نے کہا کہ 90 دن کی بات علی امین گنڈاپور کی اپنی بات ہے یہ پارٹی کا فیصلہ نہیں، ہم اپنی راہ پر چلتے رہیں گے، بانی پی ٹی آئی نے تحریک کو 5 اگست کے عروج سے جوڑا ہے۔
یہ بھی پڑھیں: اسلام آباد میں کنٹینر سٹی کے قیام کے لیے 700 کنٹینرز کہاں سے آئے اور یہ حکمت عملی کتنی مہنگی ہے؟
عوام کی حمایت
پی ٹی آئی سیکرٹری جنرل کا کہنا تھا کہ ہم عوام کو آواز کو دے رہے ہیں اور عوام ایک نظریے کے ساتھ جڑ چکے ہیں۔ سلمان اکرم راجا نے کہا کہ 50 کی دہائی سے جو مسلط ہے پاکستان اسی گرداب میں پھنسا ہوا ہے، ہمیں عوام کو پکارنا ہوگا۔
یہ بھی پڑھیں: مقامی صنعتکاروں کو 37 کروڑ 80 لاکھ ڈالرز سالانہ نقصان کا سامنا ،اضافی ایل این جی بیچنے پر غور شروع
مقصد اور جدوجہد
ہم آپس میں لڑتے ہیں، مقصد بڑا ہے، ہم تاریخی عمل سے گزر رہے ہیں اور آئین کیلئے جدوجہد کر رہے ہیں۔ انہوں نے کہا کہ ہم تاریک دور سے گزر رہے ہیں اور عدالتوں سے انصاف کی توقع بے سود ہے جبکہ پورے نظام کو آلہ جرم بنا دیا گیا ہے، عوام کو نکلنا چاہیے۔
یہ بھی پڑھیں: قائمہ کمیٹی انسانی حقوق کا اجلاس؛ثنا یوسف کی والدہ بتائیں کیا پولیس کی کارروائی سے مطمئن ہیں؟عرفان صدیقی کے سوال پر مقتولہ کی والدہ نے بتا دیا
بانی پی ٹی آئی کے بیٹوں کا حوالہ
ان کا کہنا تھا کہ بانی پی ٹی آئی کے بیٹوں کو پاکستان آنا چاہیے اور وہ کبھی بھی آسکتے ہیں، والد کیلئے جدوجہد کرنا ان کا حق ہے۔ انہوں نے مزید کہا کہ پاکستان کو آگے لے جانے کیلئے بانی پی ٹی آئی کے نظریے سے جڑے رہنا ہے۔
یہ بھی پڑھیں: پرتگال سے تعلق رکھنے والے معروف فٹبالر بھائی سمیت ٹریفک حادثے میں ہلاک
علی امین گنڈا پور کی پریس کانفرنس
یاد رہے کہ اتوار کو لاہور میں پریس کانفرنس کے دوران وزیراعلیٰ خیبرپختونخوا علی امین گنڈاپور نے 90 روز کی تحریک کا اعلان کرتے ہوئے کہا تھا کہ ہم اس تحریک میں آر یا پار کریں گے۔ علی امین کا کہنا تھا کہ حکومت میں رہیں یا نا رہیں ہمیں اس سے فرق نہیں پڑتا لیکن ہم ملک کے کونے کونے میں جائیں گے اور عوام کو متحرک کریں گے۔
عالیہ حمزہ کا سوالات
علی امین کے بیان پر ردعمل دیتے ہوئے پی ٹی آئی پنجاب کی صدر عالیہ حمزہ نے سوالات اٹھائے کہ ’’ وزیراعظم خان (بانی پی ٹی آئی ) کی رہائی کے لیے کس لائحہ عمل کا کل یا آج اعلان ہوا ہے؟، تحریک کہاں سے اور کیسے چلے گی؟، 5 اگست کے مقابلے میں 90 دن کا پلان کہاں سے آیا ہے؟ ‘‘
