اچانک ٹاوٹ صحافی ایک دم سے حکومت کے خلاف بولنا شروع ہو گئے ہیں، سمجھ نہیں آ رہا کہ کیا ہواہے : عدیل راجہ

حکومت کے خلاف صحافیوں کی آوازیں
لاہور (ڈیلی پاکستان آن ) معروف صحافی عدیل راجہ نے دعویٰ کیا کہ یہ حیران کن ہے کہ جتنے بھی ٹاوٹ صحافی ہیں وہ حکومت کے خلاف بولنا شروع ہوگئے ہیں، محسن بیگ بھی ٹویٹ کر رہا ہے کہ مس مینجمنٹ ہو رہی ہے، جنگ گروپ بھی مریم نواز اور حکومت کے خلاف خبریں لگا رہا ہے۔
یہ بھی پڑھیں: ترقیاتی سکیموں کے بہانے سوئی نادرن گیس پائپ لائنز کے عملے کی لوٹ مار؟ شہری پھٹ پڑے
چینی سے متعلق خبریں
عدیل راجہ کا وی لاگ میں کہنا تھا کہ چینی سے متعلق خبریں لگائی جارہی ہیں، یہ حقیقی طور پر لگنی چاہیے تھی لیکن ویسے نہیں لگ رہی تھیں، اب یہ لگوائی جارہی ہیں۔ یہ آپ طے کریں کہ کون لگوا رہا ہے۔ میرے پاس اطلاع یہ ہے کہ دباو ڈالا جارہا ہے۔ مجھے نہیں پتا کہ شہبازشریف سے کیا غلطی ہو گئی ہے۔ کیا جنگ گروپ نے جو اعزاز سید کے ذریعے یا وی نیوز نے وسیم عباسی کے ذریعے جو زرداری صاحب والی خبر پلانٹ کی تھی، یہ اس کا غصہ ہے؟ یا یہ اس چیز کا غصہ ہے کہ محسن نقوی نے جنگ گروپ کے خلاف کچھ خبریں کی ہیں؟ کیونکہ جنگ گروپ اس سے پہلے شہبازشریف اور مریم نواز کے خلاف خبریں نہیں لگاتا تھا، جو کہ اب لگانا شروع کر دی گئی ہیں۔ یہ اشارہ دیتا ہے کہ کچھ تو غلط ہے لیکن میں سمجھ نہیں پا رہا کہ دراصل وہ چیز کیا ہے۔
سیاسی پریس کانفرنسوں پر توجہ
انہوں نے کہا کہ آپ دیکھیں کہ اچانک سے علی امین گنڈا پور کی پوری پوری تقریریں دکھانا شروع کر دی گئیں ہیں اور ان پر پورا فوکس کر دیا گیا ہے۔ تحریک انصاف کی ساری پریس کانفرنس کٹ کر دی گئی ہیں جبکہ اس سے قبل کوئی بھی پریس کانفرنس ہو وہ کٹ نہیں کی جاتی تھی۔ تو کچھ تو غلط ہو رہا ہے۔
یہ سمجھ نہیں آ رہا ہوا کیا ہے لیکن ٹاؤٹ صحافی ایک دم سے حکومت کے خلاف بولنا شروع ہوگئے ہیں
حتی کہ جنگ اور جیو بھی مریم نواز اور حکومت کے خلاف بول رہے ہیں یہ کیسے ممکن ہے
کچھ نہ کچھ تو ہوا ہے
عدیل راجہ pic.twitter.com/b2qiKypwbg— Waqar khan (@Waqarkhan123) July 14, 2025