گورنر خیبر پختونخوا فیصل کریم کنڈی، مولانا فضل الرحمان اور امیر مقام میں ہونیوالی ملاقات کی تفصیلات سامنے آ گئی

گورنر خیبر پختونخوا کی ملاقات کی تفصیلات

پشاور (ڈیلی پاکستان آن لائن) گورنر خیبر پختونخوا فیصل کریم کنڈی، مولانا فضل الرحمان اور انجینئر امیر مقام میں ہونے والی ملاقات کی تفصیلات سامنے آگئیں۔

یہ بھی پڑھیں: اب برتھ سرٹیفیکیٹ اور ڈیتھ سرٹیفیکیٹ بالکل مفت بنوائیں، پنجاب حکومت نے فیس ختم کر دی، بڑا اعلان

سینیٹ کے انتخابات کی تیاری

تفصیلات کے مطابق پشاور میں میڈیا سے گفتگو کرتے ہوئے گورنر خیبر پختونخوا فیصل کریم کنڈی نے کہا ہے کہ ہماری کوشش ہوگی کہ سینیٹ کی چھٹی نشست بھی جیتیں۔ مولانا فضل الرحمان اور امیر مقام سے میری ملاقات ہوئی تھی، دونوں نے یقین دہانی کروائی تھی کہ اپوزیشن جماعتیں اکٹھی سینیٹ الیکشن لڑیں گی۔

یہ بھی پڑھیں: حامد میر نے پاکستان میں ڈرون بھیجنے کے بھارتی عزائم بیان کردیے

آزاد ارکان کی حیثیت

35 آزاد ارکان کسی جماعت کے نہیں ہیں، آزاد ارکان پر کسی قسم کا دباؤ نہیں کہ کس جماعت کو ووٹ ڈالیں۔ صوبائی حکومت 5 سینیٹ نشستیں اپوزیشن کو دے اور 6 نشستیں خود لے، 35 آزاد ارکان ہیں، پھر ہم چھٹی نشست کے لیے بھی کوشش کریں گے۔

ہارس ٹریڈنگ کا معاملہ

’’جنگ‘‘ کے مطابق گورنر کے پی کا کہنا تھا کہ ہارس ٹریڈنگ روکنا حکومت کا کام ہے۔ حکومت کو چاہیے کہ ہارس ٹریڈنگ سے جان چھڑائے، الیکشن کمیشن کی جانب سے سیشن سے متعلق خط مل چکا ہے، آج ہی ہم اپنے آفس سے اس خط کو پراسس کریں گے۔